Ikaal 4:5 - Uwumbɔr aagbaŋ

⁵ “M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.

Ikaal 4:5 ပူးပေါင်းရင်းမြစ်များ

Ilahn 71:17

Maah nan laa ye ubo pu na, le aa mɔk mi saatun, le m beenin len saatun sakpiin ŋi aa tun na.

Nnyam 18:20

Aa ga mɔk bi Uwumbɔr aakaal, ki kpiir mɔk bi baah ga li bi pu, ni baah ga ŋa pu na.

Jeremia 11:6

Uwumbɔr nan ki bui mi ke, “Buen Juda aatim, ni Jerusalem aatiŋ ponn ni. Moon maabɔr nima ki bui binib ngbaan ke bi pel maah puu tipuur ti na tii bi, ki kii maamɔb.

Esekiel 20:11

M nan tuk bi maah ban bi li bi pu na, ki mɔk bi maakaal i tii unii umɔk gaa i ki kii na limɔfal na.

Liifai Yaab 19:19

“Ni li joo maakaal. Ni taa di linampal aawakor ti kaa kpaa na kpaan tɔb chee ke ti dur. Ni taa di njikaabim mulee aabɔŋ kpaan bu bukpaab bubaa ni, ki taa di tikokonn ni tiwan ni kaa ye tikokonn na ŋmal tɔb ni ki di ŋa tiwanpeenkaan.

Liifai Yaab 26:46

Uwumbɔr nan di ikaal imina, ni baah ga dii u pu na, le ki di tuk Moses, Sainai Aajool paab, ke u di mɔk Israel yaab.

Liifai Yaab 27:34

Uwumbɔr nan di ikaal imina le ki di tuk Moses, Sainai Aajool paab, ke u di mɔk Israel yaab.

Liifai Yaab 7:38

Nteersakpiin ni, Sainai aajool pu, nwiin mundaal Uwumbɔr nan bui Israel yaab ke bi toor kitork tii u na, le u nan di ikaal ngbaan tii Moses ke u di tuk bi.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Lituln 20:27

M tuk nimi Uwumbɔr aabɔr mɔmɔk, kaa gur tibaa.

1 Korenti 11:28

Nima pu na, cha unii mɔmɔk lik waabimbin aah bi pu na aan ki nin ŋmɔ boroboro ngbaan ki nyu tiwanyukaan ngbaan.

1 Korenti 15:3

Maah nan gaa tibɔnyaan ngbaan na, tima le m nan di tuk ni mu. Ti ye tibɔkpaan ki jer tibɔr mɔmɔk. Tibɔnyaan ngbaan le ye ke Kristo nan kpo timi aatunwanbir pu. Ni ŋmee kina Uwumbɔr Aagbaŋ ni.

Ikaal 11:32

Buyoonn ni ti kal ki ponn ni doo na kan, ni pɔɔn nibaa ki li joo waakaal i mɔmɔk m joo tuk nimi din wee na mbamɔm.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:2

Ni taa di nibaa kpee ikaal ngbaan ni, ki taa nyan nibaa i ni. Ni kii tii Nidindaan Uwumbɔr aakaal i m joo tuk nimi na mbamɔm.

Ikaal 4:4

le nimi bi nan dii Nidindaan Uwumbɔr na ma laa beenin bi limɔfal ni, ki nan saa din.

Ikaal 4:40

Ni li joo waakaal imɔk m di tuk nimi din wee na, le tiwan mɔmɔk ga li bi mbamɔm tii nimi, ni niyaabitiib. Nima kan, ni ga li bi kitiŋ ki Nidindaan Uwumbɔr ga di tii nimi na pu, ki li ye nimi yaan ki cha n‑yoonn mu kaa kpa ndoon na.”

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

Ikaal 7:11

Nima pu na, maah mɔk nimi pu na, ni li joo mmɔkm ngbaan kina; maah di ikaal i mɔk nimi din wee na, ni li joo i mbamɔm.

Ikaal 8:11

“Ni li nyi ki taa suln Nidindaan Uwumbɔr bɔr, ni taa yii waakaal imɔk m di tuk nimi din wee na.

Hiibru Yaab 3:5

Ni ye mbamɔn, Moses nan tun Uwumbɔr aatuln mbamɔm, Uwumbɔr aamaal aanib aakaasisik ni. U nan ye Uwumbɔr aatutunn, ki tuk binib Uwumbɔr aah nan ban ke u tuk bi pu na.