Ikaal 4:40 - Uwumbɔr aagbaŋ

⁴⁰ Ni li joo waakaal imɔk m di tuk nimi din wee na, le tiwan mɔmɔk ga li bi mbamɔm tii nimi, ni niyaabitiib. Nima kan, ni ga li bi kitiŋ ki Nidindaan Uwumbɔr ga di tii nimi na pu, ki li ye nimi yaan ki cha n‑yoonn mu kaa kpa ndoon na.”

Ikaal 4:40 ပူးပေါင်းရင်းမြစ်များ

Ilahn 105:45

aan ni cha bi kii waamɔb ki li joo waakaal. Pak Uwumbɔr man.

Nnyam 20:12

“Aa li pak aate ni aana, nima kan, aa ga li bi ki yunn kitiŋ ki m ga di tii nimi na ni.

Nnyam 23:26

Le nimi aatiŋ ni, upii ubaa kina aan ber lipuul lii, bi mɔmɔk ga li kpa mbim. Le m ga tii nimi limɔfal li fɔk na.

Ulandaan 8:12

Utunwanbirdaan ga ŋmaa bii libiil nfum nkub ki beenin chuun. Mbamɔn, m nyi baah len pu na ke, “Aa yaa kii Uwumbɔr aamɔb kan, aa ŋmar a,

Aisaya 65:20

Mbim aan ki kpo tibipɔnn ni, le binib mɔmɔk ga fuu baakundaal le ki nin kpo. Binib bi ti saa ŋibin nkub ki kpo na ga laa li ye binachipɔm la. Binib bi kpo kaa fuu ŋibin nkub na ga li ye limɔkl ke m daa bitafal la.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 35:18

Le m bui Rekab yaab ngbaan ke Uwumbɔr Mpɔɔnsakpiindaan u ye Israel yaab Aawumbɔr na len ke, “Ni kii tii ikaal i niyaaja Jonadab nan di tii nimi na; ni dii waamɔkm mɔmɔk, le ki ŋa tiwan nimɔk u siin tii nimi na.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Jeremia 7:7

Ni yaa kpeln kan, m ga cha ni li koo kitiŋ ki m nan di tii niyaajatiib ke ki li ye baatiŋ ki ti saa n‑yoonn mu kaa kpa ndoon na.

Liifai Yaab 22:31

Uwumbɔr nan ki bui ke, “Ni kii tii maah len pu na mɔmɔk; min le ye Uwumbɔr.

Nkahm 10:29

Le Moses bui uchool Jetro, u nan ye Midiann aanii na, aajapɔɔn Hobab ke, “Ti ban ti piin ki buen nin chee Uwumbɔr bui ke u ga di tii timi na la. U puu ke u ga ŋa timi Israel yaab pu tinyoor, nima pu na, li dii timi, aan ti kpaan ji kina aanyoor.”

Jɔnn 14:15

“Ni yaa gee mi kan, ni ga kii maamɔb,

Efesusi 6:3

u ga ŋa tinyoor ŋa ni pu, ki tii nimi limɔfafɔfɔŋ dulnyaa wee ni.

Ikaal 11:9

Le ni ga li bi kitiŋ ki kpa tiwakor aamoŋmɔpaan ni ŋisubil sakpen na ni, aan Uwumbɔr nan puu ke u ga di tii niyaajatiib, ni biyaabitiib na pu.

Ikaal 12:25

Ni yaa joo ikaal ngbaan mbamɔm kan, Uwumbɔr ga li kpa mpopiin ni pu, le ni ga li ŋan tii nimi, ni nimi aamaal.

Ikaal 12:28

Ni li joo ikaal imɔk m di tuk nimi na mbamɔm, le tiwan mɔmɔk ga li ŋan tii nimi, ni niyaabitiib, ki joo cha n‑yoonn mu kaa kpa ndoon na, ba pu? ni yaa ŋani tiwan ni ŋan na kan, Nidindaan Uwumbɔr ga li kpa mpopiin ni pu.

Ikaal 22:7

Ni ga ŋmaa nyan mbim, bee ŋijen, ki cha ina li cha, nima kan, ni ga kan tinyoor ki li kpa limɔfal li fɔk na.

Ikaal 25:15

Ni li joo tiwanbamɔnn ŋaŋni, nima kan, Nidindaan Uwumbɔr ga tii nimi limɔfal li fɔk na, kitiŋ ki u ban u di tii nimi na ni.

Ikaal 32:47

Ikaal ngbaan aa ye bɔfam, ima le ye nimi aamɔfal. Ni li joo i mbamɔm, nima kan, ni yaa puur Jɔɔdann Aamɔɔdapuul doo kan, ni ga li kpa limɔfafɔfɔŋ, ki li bi kitiŋ ngbaan ni.”

Ikaal 33:25

Uwumbɔr li kii nimi aatim ke baah di tikur aajaaleŋ tiib le kiir mu na, aan ni li pɔɔ ki ti saa nimi aakundaal.”

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:2

Ni taa di nibaa kpee ikaal ngbaan ni, ki taa nyan nibaa i ni. Ni kii tii Nidindaan Uwumbɔr aakaal i m joo tuk nimi na mbamɔm.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’

Ikaal 5:10

M ga li gee binib churbakaa bi mu gee mi, ki kii tii maakaal na.

Ikaal 5:16

“‘Aa li pak aate ni aana, ke min Nidindaan Uwumbɔr aah bui si pu na, nima kan, tiwan mɔmɔk ga li ŋan tii si, aan aa li bi ki yunn, kitiŋ ki m ga di tii si na ni.

Ikaal 5:29

Bima yaa kpa nlandak ngbaan aaboln kina n‑yoonn mɔmɔk kan, ki yaa ga pak mi ki kii tii maakaal mɔmɔk kan, tiwan mɔmɔk ga li ŋan tii bi, ni biyaabitiib, ki cha n‑yoonn mu kaa kpa ndoon na.

Ikaal 5:33

Ni li joo i mɔmɔk mbamɔm, aan nima kan, naah ban ni gaa kitiŋ ki aan ki li koo ki ponn ni na, tiwan mɔmɔk ga li ŋan tii nimi, le ni ga yunn ki ponn ni.

Ikaal 6:18

Uwumbɔr aah len ke ni li bi mbimbinyaan mu ni na, ni li ŋani kina man, le tiwan mɔmɔk ga li ŋan tii nimi. Nima le ga ŋmaa cha ni gaa kitinyanyaan ki Uwumbɔr nan puu ke u ga di tii niyaajatiib na.

Ikaal 6:3

Nimi Israel yaab, li pel maah ban m di i mɔk nimi pu na, ki li joo i mbamɔm. Le tiwan mɔmɔk ga li ŋan tii nimi, le ni ga ŋa litimbokpaan, ki li koo kitiŋ ki kpa tiwakor aamoŋmɔpaan ni ŋisubil sakpen na ni, ke Uwumbɔr u ye tiyaajatiib Aawumbɔr na aah nan puu pu na.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.