Ikaal 4:38 - Uwumbɔr aagbaŋ

³⁸ Naah tur koo binib ngbaan ponn ni na, le u nyaŋni ŋinibol ŋi kpa mpɔɔn jer nimi na, ke u di baatim tii nimi, le kitiŋ ngbaan laa beenin ye nimi yaan ki nan saa din wee.

Ikaal 4:38 ပူးပေါင်းရင်းမြစ်များ

2 Bibɔrb Aabɔr 20:11

Tɔ, baah joo tiwan ni pa timi na le ye ke bi dan nan jenn nyan timi kitiŋ ki aa nan di tii timi na ponn ni la.

2 Bibɔrb Aabɔr 20:7

Sin le ye timi Aawumbɔr. Saanib Israel yaab aah nan koo ni kitiŋ kee ni na, aa nan jenn nyan binib bi nan koo do na, le ki di kitiŋ ngbaan tii aajɔ Abraham aayaabitiib, ke ki li ye baatiŋ n‑yoonn mɔmɔk.

Nkahm 34:14

Rubenn, ni Gad, ni Manase aanibol ligeln bi bi Jɔɔdann Aamɔɔl liwipuul wɔb na, bima puun kan baatiŋ a, bi yakr kitiŋ ngbaan deedee, ki ŋeer baamaal aah ye pu na,

Nkahm 34:15

ki bi Jɔɔdann aawipuul wɔb, ki tok Jeriko aatiŋ ki bi Jɔɔdann aawilir wɔb na.”

Ikaal 11:23

Le u ga jenn nyan ŋinibol ŋimɔk ni tur koo ŋi ponn ni na, le ni ga gaa ŋinibol kpaan ŋi kpa mpɔɔn jer nimi na aatiŋ.

Ikaal 2:31

“Uwumbɔr nan bui mi ke, ‘Lik, m di ubɔr Sihonn ni waatiŋ ŋa niŋaal ni, le baa ki kpa mpɔɔn, nima pu na, nyaŋ bi, ki gaa kitiŋ ngbaan.’

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.