Ikaal 4:36 - Uwumbɔr aagbaŋ

³⁶ U nan cha ni ŋun waaneel pu paacham, ke u mɔk nimi tiwan, ki cha ni kan waamii mu bi chain na dulnyaa wee ni, le u len ni chee tibɔr, mmii ngbaan ponn ni.

Ikaal 4:36 ပူးပေါင်းရင်းမြစ်များ

Nehemia 9:13

Aa nan sunn ni bi chee Sainai Aajool chee; nima chee le aa nan len bi chee tibɔr ki tii bi ikaal i ŋan na, ni mbaem mu kpa ntataa na.

Nnyam 19:18

Le Sainai Aajool paab kpaln iŋmanyuu ŋmeen, ba pu? Uwumbɔr nan nyan ni paacham ki sunn ni li pu mmii ponn ni la. Le iŋmanyuu fii jon paacham ke mmii sakpiin aaŋmanyuu na, le binib mɔmɔk aawon gbaa sakpen.

Nnyam 19:19

Le kakaan ngbaan moo wii mpɔɔn pu. Le Moses len tibɔr, le Uwumbɔr aaneel kii u ke utaal aah tar pu na.

Nnyam 19:9

Uwumbɔr nan ki bui Moses ke, “M ga dan ni chee ntaalangbam mu bɔɔn na ni, nima kan, binib ngbaan ga ŋun maah bi len aa chee tibɔr pu na, aan dandana wee ki joo cha bi ga gaa kii saah len pu na.” Moses nan tuk Uwumbɔr binib ngbaan aah kii pu na,

Nnyam 24:16

Uwumbɔr aawiihn nan moor ki sunn ni lijool ngbaan pu. Israel yaab ma aah nan kan nwiihn ngbaan na, mu nan naahn ke mmii le aah gaal lijool ngbaan pu na. Le ntaalangbam ngbaan nan biin lijool ngbaan pu ki ti saa iwiin iloob; winlole daal le Uwumbɔr yin Moses ntaalangbam ni.

Ikaal 4:12

Ni ki tuk bi Uwumbɔr aah nan len tibɔr mmii ngbaan ponn ni pu na; ni ŋun waah len pu na, ki mu aa waa waah bi pu na.

Ikaal 4:15

“N‑yoonn mu Uwumbɔr nan len ni chee tibɔr, mmii ni, Sainai Aajool pu na, naa nan waa u. Ni yaa ban ke ni li ŋan tii nimi kan, ni chuu nibaa

Ikaal 4:33

Binib bibaa kee ŋun Uwumbɔr len tibɔr mmiigaal ni kina, ki beenin fu uu?

Ikaal 8:5

Ni teer ke Nidindaan Uwumbɔr nan sur nimi ki daa nitafal, ke ubo aate aah sur u pu na.

Hiibru Yaab 12:18

Tɔ, naa fuu ni dulnyaa wee ni aajool chee. Israel yaab nan fuu ni Sainai aajool chee, ki kan lijool ngbaan gaal mmii ki kpa iŋmanyuu i bɔɔn ki bɔln nima chee na. Bi nan ŋun kibuŋ ki daar na,

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.