Ikaal 4:34 - Uwumbɔr aagbaŋ

³⁴ Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 4:34 ပူးပေါင်းရင်းမြစ်များ

Ilahn 136:12

U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Ilahn 24:8

Ŋma ye ubɔrkpaan ngbaan? Uma le ye Uwumbɔr Mpɔɔnsakpiindaan u pɔɔ na, Uwumbɔr u nyaŋni butɔb ni na.

Ilahn 78:12

Biyaajatiib nan si lik, le Uwumbɔr tun iwaan aatun Soann aapaan mu bi Ijipt aatiŋ ni na.

Nnyam 1:9

U nan bui waanib ke, “Israel yaab bee moo pɔr ki kpa mpɔɔn, le baan ki lik pak timi.

Nnyam 10:21

Uwumbɔr nan ki bui Moses ke, “Yoor aaŋaal paacham ki di mɔk kitaapaak, le mbɔmbɔɔn sakpiin ga lir ni, ki biin Ijipt aatiŋ pu.”

Nnyam 10:7

Le ubɔr aaninkpiib ngbaan bui u ke, “N‑yoonn mulamu uja wee ga di cha ki taa ki daa titafal? Cha Israel yaab ngbaan li cha, nima kan, bi ga ŋmaa buen ti doon Bidindaan Uwumbɔr. Saa kan ke Ijipt bii doo oo?”

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 14:30

Liyaadaal ngbaan le Uwumbɔr nan gaa Israel yaab Ijipt yaab chee lii, le Israel yaab kan baah kpoi ki dɔ nnyun ngbaan aagbaan pu na.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Nnyam 19:4

“Ni kan min Uwumbɔr na aah nan ŋa Ijipt yaab pu, ki kii nimi ke likaagiil aah kii laabo pu, ki yoor u ufeen pu pu na, le ki joo ni nimi mbaa chee.

Nnyam 3:10

Dandana wee m ban m tun si Ijipt yaab aabɔr chee, nima kan aa ga ŋmaa loln maanib ngbaan pu nsan ki nyan bi kitiŋ ngbaan ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 7:3

M ga cha ubɔr ngbaan pɔɔk usui, kaan ŋun tii si; m yaa gee m ŋa ijawaan aatun pu na kan, waan cha ni nya Ijipt aatiŋ ni.

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Jeremia 21:5

M ga di maapɔɔn mɔmɔk, ni maaŋuusakpeln na mɔmɔk jan si kijaak.

Jeremia 32:21

Saajinjiir ni iwaan aatun le nan cha ijawaan chuu timi aadim, le aa di saapɔɔn nyan ni saanib Israel yaab, Ijipt aatiŋ ni.

Nkahm 20:16

le ti wii yin Uwumbɔr ke u ter timi. U nan ŋun timi aawiil le ki tun ni waatuun, le u nan nyan timi Ijipt aatiŋ ni. N‑yoonn mue ti ka Kades aatiŋ ni la. Kitiŋ ngbaan bi saatiŋ aanaanmɔk la.

Ikaal 1:30

Nidindaan Uwumbɔr ga loln ni pu nsan, ki jan ni pu, ke waah nan ŋa pu Ijipt aatiŋ ni, ni nteersakpiin ni, aan ni kan na.

Ikaal 10:21

Ni li pak u. Uma le ye nimi Aawumbɔr, le ninimbil kan waah ŋa lijinjiir aawan nimɔk ki tii nimi na.

Ikaal 11:2

Din wee, ni teer naah bee Uwumbɔr aabimbin, waah tun ŋitukpaan ŋi ni chee na pu. Naa ye nimi aabim le kan, nimi le nan kan ŋitukpaan ngbaan.

Ikaal 26:8

Le u di waapɔɔnsakpiin na nyan timi Ijipt yaab aaŋaal ni. U nan cha iwaan ni lijinjiir aawan ŋa, le ki cha ijawaan aawan ŋa nima chee.

Ikaal 29:3

Ninimbil nan kan iween i ku binib na, ni lijinjiir aatuln, ni laasib aawan nimɔk Uwumbɔr nan ŋa na.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Ikaal 34:12

Uwumbɔr aabɔnabr ubaa aa kee ŋa ijawaan aawan ni Moses nan ŋa Israel yaab mɔmɔk aanimbiin ni na.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.

Ikaal 6:21

ni tuk bi ke, ‘Ti nan ye binaagbiib le ki bi Ijipt aabɔr aaŋaal ni, le Uwumbɔr di waapɔɔn sakpiin na nyan ni timi.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.

Ikaal 9:29

Ni ye mbamɔn ke binib bee le aa nyan bi ke bi li ye saanib, le ki di saapɔɔn sakpiin na nyan ni bi Ijipt aatiŋ ni.’

Josua 24:7

le bi wii ki yin mi ke m nan ter bi, le m cha mbɔmbɔɔn dan bi ni Ijipt yaab aakaasisik ni. M nan cha Ijipt yaab bee nnyusakpem na ni. Ni nyi maah nan ŋa Ijipt yaab pu na mɔmɔk. “‘Ni nan bi nteersakpiin ni, ni yunn pam.

1 Piita 5:6

Nima pu na, ni li sunni nibaa taab, Uwumbɔr u yeh mpɔɔn mɔmɔk na aaŋaal ni. Le ni yaa nan ŋeer kan, u ga nyuŋ nimi.