Ikaal 4:31 - Uwumbɔr aagbaŋ

³¹ Uma le ye Uwumbɔr u kpa linimbaasaln na. Waan di nimi lii, ki mu aan kuln nimi doo, waan suln tipuur ti u nan puu tii niyaajatiib na.

Ikaal 4:31 ပူးပေါင်းရင်းမြစ်များ

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

2 Bibɔrb Aabɔr 30:9

Ni yaa gir ni Uwumbɔr chee kan, le binib bi chur nimi aanib buen tinaagbiir ni na ga san bi kinimbaak ki cha bi gir kun ni. Nidindaan Uwumbɔr kpa tiŋann le ki san kinimbaak. Ni yaa fenn gir u chee kan, u ga gaa nimi.”

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Nehemia 9:31

Le saanimbaasaln aah ti nyaŋ sakpen pu na, saa nan yii bi, kaa ku doo bi. Aa sil ye unimbaasaln Aawumbɔr u kpa lineen sakpen na la.

Ilahn 103:8

Uwumbɔr ye unimbaasaln la, le ki gee timi, waaŋuul aa fiir woween, le u gee timi sakpen.

Ilahn 105:8

U ga li joo waah puu tipuur ti na ki ti saa n‑yoonn mu kaa kpa ndoon na.

Ilahn 111:4

Uwumbɔr cha ti teer waatukpaan na pu, u kpa tiŋann le ki san kinimbaak mu.

Ilahn 111:5

U tii binib bi nyuŋni u na tijikaar; waa suln waah puu tipuur ti na bɔr.

Ilahn 111:9

U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Ilahn 116:5

Uwumbɔr san kinimbaak le ki kpa tiŋann; timi Aawumbɔr ye unimbaasaln la.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Nnyam 6:8

M ga di nimi buen kitiŋ ki m nan puu ke m ga di ki tii Abraham, ni Aisak, ni Jakob na, m ga di ki tii nimi, ki li ye nimi aatiŋ. Min le ye Uwumbɔr.’”

Jeremia 14:21

Teer saah nan puu pu na ki taa lik seen timi; taa cha inimɔɔn dan Jerusalem pu, nin chee saapak aabɔrjal bi na. Taa bii tipuur ti timi ni sin nan puu tii tɔb na.

Jeremia 30:11

M ga dan ni chee ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, maan kuln nimi ma. Maan di cha ki taa daa nitafal; m mu yaa daa nitafal kan, m ga daa ki ŋeer la. Min Uwumbɔr le len kina.”

Liifai Yaab 26:42

m ga teer tipuur ti m nan puu tii Jakob, ni Aisak, ni Abraham na, ki ki fikr tipuur ngbaan, ki giin maanib aatiŋ tii bi.

Liifai Yaab 26:44

Tɔ, hali bi yaa beenin bi baadim aatiŋ ni kan, maan yii bi, kaan bii bi kookoo, kaan bii tipuur ti m nan puu tii bi na, ba pu? m ye Bidindaan Uwumbɔr.

Liifai Yaab 26:45

M ga fikr tipuur ti m nan puu tii biyaajatiib n‑yoonn mu m nan di maapɔɔn mɔk ŋinibol mɔmɔk aan ki nyan ni maanib Ijipt aatiŋ ni na, ke min Uwumbɔr li ye Bidindaan.”

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Tibɔnyaan ti Luk ŋmee ti na 1:72

U nan len ke u ga san tiyaajatiib kinimbaak, ki teer waah puu tipuur ti ye chain na bɔr.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.