Ikaal 4:28 - Uwumbɔr aagbaŋ

²⁸ Nima chee le ni ga ti li dooni unibɔn aah di uŋaal ŋa idɔ ni ŋitakpal aawaa ŋi na. Ŋiwaa ngbaan aa waa, kaa ŋun, kaa ŋmaa ji, kaa ŋun nnun.

Ikaal 4:28 ပူးပေါင်းရင်းမြစ်များ

2 Bibɔrb 17:40

Le binib ngbaan aa nan kpa ŋuntii, le ki yii ki beenin dii baabimbikpok aasan.

Aisaya 26:14

Dandana wee, bi kpo a, kaan ki gir ni; baawiin aan ki fii; ba pu? aa daa bitafal ki kuln bi a; ubaa aan ki teer bi pu daalbaadaal.

Aisaya 44:11

Unii umɔk dooni li na ga nan ji inimɔɔn la. Binib bi naani ŋiwaa na po ye binibɔm la, kaa jer unibɔn. Cha bi dan man libɔjil ni, nima chee bi ga nan ji inimɔɔn, le ijawaan chuu bi.

Aisaya 44:12

Uchaa ga yoor tikur le ki di pu mmii ni, le ki di uŋaal mu pɔɔ na yoor lichaaŋmiln ki di gbaa ti ŋa waah ban tiwan ni na. Buyoonn u bi tun kina na, nkon ni nnyunyuu chur u, le u ti bak.

Aisaya 44:9

Binib bimɔk naani ŋiwaa na aa kpa tinyoor tibaa, le ŋiwaa ŋi mu bi naan ŋi na ye fam. Binib bi dooni ŋiwaa ngbaan na ye bijoom le kaa nyi nibaa, le ki ga nan ji inimɔɔn.

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Jeremia 10:3

Binib bimina aah dii isan i na ye fam la. Busub le bi ga gaa kichook ni, le ukpikpiir aachɔkm kpir bu,

Jeremia 10:5

Kina aawaa bi ke baah naan tiwan siin kisaak ni ke tiwakorkaan taa dan nan bii tijikaar pu na la. Ŋaa ŋmaa len tibɔr, kaa ŋmaa chuun, see unii le ga yoor ŋi buen waah gee nin chee na. Taa san ŋi ijawaan man, ŋaan ŋmaa ŋa nimi nibaa, kaan ŋmaa tii nimi tinyoor tibaa.”

Jeremia 10:9

Bi di Speenn aatiŋ aakunabr le ki boon baawaa ngbaan le ki di Ufas aatiŋ aasalmaa mu boon ŋi, nimina mɔmɔk ye uwanŋar aatuln la; bi joo nsiin ni ŋitan ŋi man chauŋ aan ukpaluul u nyi sakpen na luu ŋi na le peeni ŋi.

Jeremia 16:13

Kina pu na, m ga mee nyan nimi kitiŋ kee pu ki ti lii kitiŋ ki nimi ni niyaajatiib aa kee ŋun ki pu na ni. Nima chee le ni ga ti li tun tii ŋiwaa, nwiin pu ni kinyeek, le maan ki san nimi kinimbaak.’”

Esekiel 20:32

Ni nan ŋa nimi aalandak ke ni li bi ke ŋitimbol ŋiken aanib bi koo ntim muken ni ki dooni isui ni ŋitakpal na. Tɔ, kina mu aan ŋa.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Lituln 19:26

Pɔɔl mu bi bii timi aatuln la. Ni kan aa? Ni ŋun waah len pu na. U len ke ŋiwaa ŋi binib mɔɔ ŋi na aa ye nibaa. Binib bi bi Efesus aatiŋ ni do, ni Asia aapepel mɔmɔk ponn ni na pam pak waah len pu na, kaa ki dii ŋiwaa.

Lituln 7:42

Le Uwumbɔr daak bi chee, le ki siir cha bi, le bi dooni ŋiŋmabil ŋi bi kitaapaak na. Uwumbɔr aabɔnabr nan ŋmee tibɔr ngbaan Uwumbɔr Aagbaŋ ponn ni, ke Uwumbɔr len ke, ‘Israel yaab, ni nan kɔr tiwakor ki toor kitork ŋibin imonko ilee timoor ni. Naah toor kitork na, ni toor tii min aa? Aayii.

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Ikaal 29:17

Ni nan kan baawaawanbir ŋi bi di idɔ, ni ŋitakpal, ni tikunabr, ni salmaa ŋa ŋi na.

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.