Ikaal 4:27 - Uwumbɔr aagbaŋ

²⁷ Uwumbɔr ga cha ni yaa buen ŋinibol yayan aatim ni, le nimi siib kina le ga ti gur ki ŋmar.

Ikaal 4:27 ပူးပေါင်းရင်းမြစ်များ

Mpiin 11:4

le ki bui ke, “Cha ti maa kitiŋ aan ki maa kidifɔfɔŋ ki ponn ni, ki ti pii paacham, nima kan, ti ga li bi tɔb chee ki taa yaa, ki li kpa liyimbil dulnyaa wee ni.”

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

Nehemia 1:3

Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Ilahn 106:27

ki cha biyaabitiib yaa koo binib bi kaa nyi u na ponn ni, ki cha bi kpoi biwɔwɔm aatim ni.

Ilahn 44:11

Aa cha bi kɔr timi ke ipiih na la, aa cha ti yaa koo ntiyayam ni.

Ilahn 44:12

Aa di saanib kooh kidaak ki kaa pɔɔ na kaa kan tinyoor tibaa.

Aisaya 17:6

Binib siib baanja le ga gur, le Israel aatiŋ ga li gur bi ke baah ker olif aasubil ki cha lisubil libaabaa bu aapaacham pu na, bee siisiib ŋi gur bu aataab aasubon pu pu na la. Min, Israel yaab Aadindaan Uwumbɔr le len kina.”

Jeremia 16:13

Kina pu na, m ga mee nyan nimi kitiŋ kee pu ki ti lii kitiŋ ki nimi ni niyaajatiib aa kee ŋun ki pu na ni. Nima chee le ni ga ti li tun tii ŋiwaa, nwiin pu ni kinyeek, le maan ki san nimi kinimbaak.’”

Esekiel 11:16

“Tɔ, di maah len pu na tuk aado yaab binaagbiib biken. Min le cha bi ti bi ŋitimbol ŋi daa na ni, le ki cha bi yaa ki bi ntim muken ni. N‑yoonn mumina m ga li bi bi chee baah buen ntim mu ni na.

Esekiel 12:15

“M yaa cha bi yaa ki koo ŋitimbol ŋiken ni, ni ntiyayam ni kan, bi ga bee ke min le ye Uwumbɔr.

Esekiel 20:23

Kina pu na, m nan ki puu tipuur tiken tii bi nteersakpiin ni, nima chee. M nan puu timm ke m ga cha bi yaa koo dulnyaa wee mɔmɔk ni.

Esekiel 22:15

M ga cha saanib yaa koo ntim mɔmɔk, ni ŋitimbol mɔmɔk ni, ki ga kuln saatunwanbir aatuln mɔmɔk.

Esekiel 32:26

“Mesek ni Tubal aatim bi nima, mu aatɔb aajab aakaakul mann goln mu. Bi mɔmɔk aa gii ŋichakpan, le bi ku bi mɔmɔk butɔb ni. Tɔ, bi nan cha ijawaan chuu binifuub n‑yoonn mubaa.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.

Hosea 9:17

Maah dii Uwumbɔr u na ga yii waanib, baah kaa ŋun tii u pu na pu. Bi ga kpaln bichayiim le ŋitimbol ponn ni.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Sekaria 7:14

M nan ŋar bi ŋŋaan ke kitaabuŋ na ke bi ti li koo ntiyayam ni. Kitinyaan kimina nan kpaln nkuun, le ubaa aa ki bi ki pu.”

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 29:28

Uwumbɔr aaŋuul nan fii bi pu sakpen, le liŋuusakpeln ngbaan ponn ni, u chuu nyan bi baatiŋ ni, ki di bi buen biwɔwɔm aatim ni, le bi bi nima chee din wee.’

Ikaal 30:3

Nidindaan Uwumbɔr ga san nimi kinimbaak. U ga ki nyan ni nimi ŋinibol ngbaan aatim mu ni u nan cha ni yaa buen na, ki giin ni nimi, nimi aatiŋ ni, ki tii nimi liwangol.

Ikaal 32:26

M nan len ke m ga kuln bi, aan nima kan, ubaa aan ki teer bibɔr.