Ikaal 4:26 - Uwumbɔr aagbaŋ

²⁶ Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.

Ikaal 4:26 ပူးပေါင်းရင်းမြစ်များ

Mpiin 19:13

ba pu? ti ban ti bii kitiŋ kee din wee la. Uwumbɔr kan binib bee aatunwanbir aah wiir pu na, le u tun ni timi ke ti nan bii Sodom aatiŋ ngbaan.”

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 16:13

Kina pu na, m ga mee nyan nimi kitiŋ kee pu ki ti lii kitiŋ ki nimi ni niyaajatiib aa kee ŋun ki pu na ni. Nima chee le ni ga ti li tun tii ŋiwaa, nwiin pu ni kinyeek, le maan ki san nimi kinimbaak.’”

Jeremia 2:12

Kina pu le m bui kitaapaak ke ki dam aan ni li kpa ijawaan, ki li kpa iwaan ni lijinjiir,

Jeremia 22:29

Kitiŋ, kitiŋ, kitiŋ, li pel Uwumbɔr aah len pu na.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Esekiel 33:28

M ga cha kitiŋ ngbaan kpaln kitikuun ki kaa kpa nibaa na, le mpɔɔn mu bi nan mak mu pu sakpen na ga doo. Israel aajoo pu ga li bir sakpen, le ubaa aan dii ŋi chee ki jer.

Esekiel 36:4

Kina pu na, li pel min Dindaan Uwumbɔr aah tuk ŋijoo ni ŋigongon ngbaan, ni ikpen, ni tifatann, ni ŋipepel ŋi bii na, ni nimi ntim mu kpaln tilangbenn aan ŋitimbol ŋi mann goln nimi na nan yoor nimi aawan buen ki jinn nimi inimɔɔn na:

Liifai Yaab 18:28

le kitiŋ ngbaan ga li ŋan tii nimi, kaan yii nimi ke kaah nan yii binib bi nan koo ki ponn ni na.

Maika 1:2

Ŋitimbol mɔmɔk, ŋun tibɔr tee man, binib bimɔk bi kitiŋ kee pu na, li pel man tibɔr tee. Uwumbɔr Mpɔɔndaan ga len ibamɔn, le ki galn nimi. Li pel man. U bi waapaacham aadichal ni le ki len ni.

Maika 6:2

Nimi ŋijoo, nimi n‑yoonn mu kaa kpa ndoon na aatinyik, li pel Uwumbɔr aabɔr man. Uwumbɔr ni waanib le kpa tibɔr. U ban ke u joo ni ngalm Israel aanib pu la.

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Ikaal 11:17

Ni yaa ŋa kina kan, Uwumbɔr ga gee ni pu liŋuul; waan ki cha utaal nu, le nimi aatiŋ ga kuur ki ti chaar jer, le nimi aajikaar aan ŋmaa ŋa. Hali kitiŋ ngbaan aah ye kitinyaan pu aan u di ki tii nimi na, naan ki yunn le ni ga kpo.

Ikaal 28:20

“Ni yaa tun titunwanbir, ki yii Uwumbɔr kan, u ga cha falaa dan ni pu, le nimi aalandak ŋmal. Tibɔbir ga dan tiwan nimɔk ni ŋani na mɔmɔk ni, le naan yoor n‑yoonn, le ni kuln kookoo.

Ikaal 28:22

Uwumbɔr ga cha iween i door na chur nimi, niwon ga duun, le ki li ton. U ga cha ntaaweel, ni libuln li ton na see nimi aajikaar. Kina aabɔbir ga li bi ni pu, le ni ti kpoi doo.

Ikaal 28:45

“Tibɔr ngbaan mɔmɔk ga dan ni pu, le ki li bi kina ki ti kuln nimi, ba pu? ni yii Nidindaan Uwumbɔr aamɔb, kaa joo waakaal imɔk u di tii nimi na.

Ikaal 28:61

U ga ki cha iween i aaboln baa ŋmee yaabɔr ŋa Uwumbɔr aakaal, ni mmɔkm aagbaŋ ni na, dan ni pu, le ki kuln nimi.

Ikaal 29:28

Uwumbɔr aaŋuul nan fii bi pu sakpen, le liŋuusakpeln ngbaan ponn ni, u chuu nyan bi baatiŋ ni, ki di bi buen biwɔwɔm aatim ni, le bi bi nima chee din wee.’

Ikaal 31:28

Kuun ni nimi aanibol ngbaan aayidam mɔmɔk, bi dan m chee, aan m nan tuk bi tibɔr tee; m ga yin kitaapaak ni kitiŋ aan ni li ye timi aaseeraadam.

Ikaal 32:1

“Kitiŋ ni kitaapaak, ni li ŋun maah len tibɔr ti na man, li pel gbimm man maah bi len pu na.

Ikaal 7:4

Ba pu? ni yaa ŋa kina kan, bi ga cha nimi aabim yii Uwumbɔr, le ki dooni ŋiwaa. Ni yaa ŋa kina kan, Uwumbɔr aaŋuul ga fii ni pu, le u kuln nimi doo.

Ikaal 8:19

Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

Ikaal 8:20

Ni yaa kaa kii Uwumbɔr aamɔb kan, ni li nyi ke u ga kuln nimi, ke waah ban u kuln ŋinibol ŋi ni bi tur koo baatiŋ ni na pu na.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

Josua 24:20

le ni yaa yii u, ki ban ni li dooni ŋiwaa kan, u ga daa nitafal. Hali waah nan ŋa tinyoor ŋa ni pu na, ni yaa dii liwaal libaa kan, u ga kuln nimi.”