Ikaal 4:25 - Uwumbɔr aagbaŋ

²⁵ “Hali ni yaa bi kitiŋ ngbaan ni ki ti saa n‑yoonn mu na, ki ma mbim ni yaabitiib kan, ni taa tun titunwanbir ki naan liwaal, ki di naŋ tiwan nibaa. Kina aatun aa ŋan Uwumbɔr chee, le ki ga cha u gee liŋuul ni pu.

Ikaal 4:25 ပူးပေါင်းရင်းမြစ်များ

2 Bibɔrb 21:2

Uwumbɔr aanib aah nan tur koo ŋitimbol ŋi ponn ni, aan u jenn nyan ŋaanib bi na aabimbiyɔyɔl na le Manase nan gaa, le ki tun Uwumbɔr titunwanbir.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Nnyam 20:4

“Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

Nnyam 32:7

Uwumbɔr nan bui Moses ke, “Gir sunn mala, ba pu? saanib bi aa nyan ni bi Ijipt aatiŋ ni na tun titunwanbir, ki yii mi a.

Esekiel 8:10

M nan buen ki ti lik. Bi nan naan ikuub ni tiwakor ti kɔ na ŋmeen, ni Israel yaab aah dooni tiwan niken ni na ŋmeen le gbiin ŋigon ngbaan pu.

Hosea 9:17

Maah dii Uwumbɔr u na ga yii waanib, baah kaa ŋun tii u pu na pu. Bi ga kpaln bichayiim le ŋitimbol ponn ni.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?

Ikaal 16:22

ki taa di ŋitakpal kuun bil ke ŋi li ye ŋiwaa, ba pu? Uwumbɔr aa gee ŋiwaa aabɔr.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Ikaal 28:45

“Tibɔr ngbaan mɔmɔk ga dan ni pu, le ki li bi kina ki ti kuln nimi, ba pu? ni yii Nidindaan Uwumbɔr aamɔb, kaa joo waakaal imɔk u di tii nimi na.

Ikaal 28:61

U ga ki cha iween i aaboln baa ŋmee yaabɔr ŋa Uwumbɔr aakaal, ni mmɔkm aagbaŋ ni na, dan ni pu, le ki kuln nimi.

Ikaal 30:18

u ga kuln nimi. Dandana, m si do le ki bi tuk nimi tibɔr ngbaan. Ni yaa yii waakaal kan, naan yunn Jɔɔdann Aamɔɔdapuul aatiŋ ki ni ban ni puur ki ti gaa ki na ni.

Ikaal 30:19

Dandana wee, m tii nimi nsan ke ni nyan limɔfal, bee nkun, ni Uwumbɔr aanyoor, bee waamɔpuur, le m yin kitaapaak ni kitiŋ, ke ni li ye nimi aaseeraadam aan ni nyan naah gee ni na. Nyan limɔfal man.

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Ikaal 32:5

Nimi Aawumbɔr ŋani waah len pu na, nimi le aa si chob, kaa ŋeer ke ni li ye waanib, le kaa ye mbamɔndam, ki ye litimbol li ŋmanni, ki ye titunwanbirdam na.

Ikaal 4:16

ki taa tun titunwanbir ke ni di tiwan nibaa ŋa liwaal tii nibaa, aan ni li naahn upii, bee uja,

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

Josua 24:20

le ni yaa yii u, ki ban ni li dooni ŋiwaa kan, u ga daa nitafal. Hali waah nan ŋa tinyoor ŋa ni pu na, ni yaa dii liwaal libaa kan, u ga kuln nimi.”