Ikaal 4:22 - Uwumbɔr aagbaŋ

²² Mma kan, m ga kpo kitiŋ kee ni, kaan puur limɔɔl ngbaan daalbaadaal. Le ni ma ban ni puur ki ti gaa kitinyanyaan ngbaan.

Ikaal 4:22 ပူးပေါင်းရင်းမြစ်များ

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Nkahm 27:13

Aa yaa kan ki doo kan, nee aapuwɔb aa ga kpo ke aakpel Aaronn aah nan kpo pu na;

Nkahm 27:14

ba pu? nimi bilee ngbaan nan yii maamɔb, Sinn aateersakpiin ni. N‑yoonn mu Israel yaab mɔmɔk nan len mi tibɔbir Meriba aanyunbun chee na, ni nan yii, kaa cha binib ngbaan bee maapɔɔn mu bi chain na aah bi pu na.” Meriba nan ye nnyunbun mu nan bi Kades aatiŋ ni, ki bi Sinn aateersakpiin ni na la.

Nkahm 31:2

“Midiann yaab aah ŋa Israel yaab pu na, daa bitafal kina pu. Israel yaab yaa ŋa kina doo kan, nee aapuwɔb aa ga kpo.”

Ikaal 1:37

Hali, nimi aabimbin pu, Uwumbɔr gee m pu liŋuul, ki bui mi ke, ‘Sin Moses aan koo kitiŋ ngbaan ni.

Ikaal 3:25

Uwumbɔr, cha m puur Jɔɔdann Aamɔɔl, aan ki kan kitiŋ ki nyuun na, ki bi nima wɔb, ki ye ŋigongon aatinyanyaan ngbaan na, ni Lebanonn Aajoo.’

Ikaal 3:27

Li cha Pisga Aajool aapaacham, ki ti lik ŋŋangan wɔb ki ti saa ŋŋangii wɔb, ki ki lik liwipuul wɔb ki ti saa liwilir wɔb. Saah waa tiwan nimɔk na, aa lik ni mbamɔm, ba pu? saa kpa nsan ke aa puur Jɔɔdann Aamɔɔl.

Ikaal 31:14

Uwumbɔr nan bui Moses ke, “Saan ki li bi ki yunn. Kina pu na, di Josua dan Maabool ni aan m nan mɔk u waatuln.” Le Moses ni Josua nan dii buen Libool ngbaan ni.