Ikaal 4:16 - Uwumbɔr aagbaŋ

¹⁶ ki taa tun titunwanbir ke ni di tiwan nibaa ŋa liwaal tii nibaa, aan ni li naahn upii, bee uja,

Ikaal 4:16 ပူးပေါင်းရင်းမြစ်များ

Nnyam 32:7

Uwumbɔr nan bui Moses ke, “Gir sunn mala, ba pu? saanib bi aa nyan ni bi Ijipt aatiŋ ni na tun titunwanbir, ki yii mi a.

Aisaya 40:18

Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Aisaya 44:13

Ukpikpiir ga ŋaŋ waadɔgeln, le ki di linaakumbɔln naan tiwan ni u ban na, ki di waachɔk kpii ni, ki kpii ni ke unibɔn nyaan na, ke u di siin udo.

Esekiel 8:10

M nan buen ki ti lik. Bi nan naan ikuub ni tiwakor ti kɔ na ŋmeen, ni Israel yaab aah dooni tiwan niken ni na ŋmeen le gbiin ŋigon ngbaan pu.

Liifai Yaab 19:4

“Ni taa yii mi aan ki li dooni ŋiwaa, ni taa di tikur naan ŋiwaa ki doon ŋi. Min le ye Nidindaan Uwumbɔr.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Jɔnn 4:24

Uwumbɔr ye kifuurk la. Le binib bimɔk dooni u na li dooni u bisui ni, Waafuur Nyaan aapɔɔn pu.”

Lituln 17:29

Taah ye Uwumbɔr aabim na, taa cha ti li dak ke Uwumbɔr aabimbin bi ke ŋiwaa na. Ŋiwaa po ye ŋitakpal le bi kpii ŋi, bee salmaa, bee tikunabr le bi di mɔɔ ŋi.

Ikaal 16:22

ki taa di ŋitakpal kuun bil ke ŋi li ye ŋiwaa, ba pu? Uwumbɔr aa gee ŋiwaa aabɔr.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 4:25

“Hali ni yaa bi kitiŋ ngbaan ni ki ti saa n‑yoonn mu na, ki ma mbim ni yaabitiib kan, ni taa tun titunwanbir ki naan liwaal, ki di naŋ tiwan nibaa. Kina aatun aa ŋan Uwumbɔr chee, le ki ga cha u gee liŋuul ni pu.

Ikaal 5:8

“‘Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

Ikaal 5:9

Ni taa gbaan kitiŋ ke ni doon liwaal libaa, ba pu? min le ye Nidindaan Uwumbɔr, le maa ban ke m ni ubaa li kpaan yeh nimi. M ga daa binib bi nan mi na, ni baabim, ni biyaabitiib, ni bi mu aayaabitiib aatafal.

Ikaal 9:12

“Le Uwumbɔr bui mi ke, ‘Ŋa mala ki sunn lijool taab; saanib bi aa nyan ni bi Ijipt aatiŋ ni na yii mi, ki tun titunwanbir. Bi kpaan fenn ki cha maah tuk bi ke bi ŋa pu na, le ki ŋa liwaal tii bibaa.’

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.