Ikaal 4:15 - Uwumbɔr aagbaŋ

¹⁵ “N‑yoonn mu Uwumbɔr nan len ni chee tibɔr, mmii ni, Sainai Aajool pu na, naa nan waa u. Ni yaa ban ke ni li ŋan tii nimi kan, ni chuu nibaa

Ikaal 4:15 ပူးပေါင်းရင်းမြစ်များ

1 Bibɔrb 19:12

Kitiŋ aah dam ki puu jer na, mmii nan nyan ni; Uwumbɔr mu aa nan bi mmii ngbaan ni. Mmii ngbaan aah jer na, le ineel nan lɔe ki len tibɔr.

Ilahn 119:9

Binib bi laa diin na yaa ban baabimbin li ŋan kan, see bi kii saakaal.

Nnyam 19:1

Israel yaab ngbaan nan nyan ni Refidim aatiŋ ni, njan aawiin daal, uŋmal tatar ponn ni, baah nan nyan Ijipt aatiŋ ni buyoonn na, le ki fuu Sainai Aajool chee, nteersakpiin ni. Nima chee le bi kal Sainai Aajool ngbaan taab,

Nnyam 20:4

“Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

Ŋiyataŋak 4:23

Li nyi saah dak pu na; saabimbin naahn saalandak la.

Ŋiyataŋak 4:27

Nya kinimbɔŋ chee ki li chuun mbamɔm. Taa cha aataal libaa yenn mbamɔn chee.

Aisaya 40:18

Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Jeremia 17:21

Bui bi ke bi yaa gee baamɔfal kan, bi taa tun lituln libaa Likpaakool daal; bi taa dii Jerusalem aabisamɔb mubaa ki tu lituln,

Malakai 2:15

Uwumbɔr nan di aa ni aapuu aawon ni kifuurk kpaan ŋa kibaa la. Ba nan cha u ŋa kina? Ni nan ye le ke ni kan mbim mu ye Uwumbɔr aanib na. Kina pu na, li nyi man, ubaa taa bii u ni upuu aah puu tipuur ti tii tɔb na.

Ikaal 10:4

Uwumbɔr nan ŋmee ŋitakpapapan ngbaan pu tibɔr chachaan ti u nan ŋmee njan, aan ni ye waakaal kipiik i u nan di tii nimi, buyoonn ni nan kuun lijool ngbaan taab, aan u len ni chee tibɔr mmii ni na. Uwumbɔr nan di ŋitakpapapan ngbaan tii mi,

Ikaal 4:12

Ni ki tuk bi Uwumbɔr aah nan len tibɔr mmii ngbaan ponn ni pu na; ni ŋun waah len pu na, ki mu aa waa waah bi pu na.

Ikaal 4:14

Uwumbɔr nan tuk mi ke m di ikaal ngbaan mɔmɔk mɔk nimi, aan ni li joo i mbamɔm, kitiŋ ki ni ban ni ti gaa ki koo ki ponn ni na.

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 4:36

U nan cha ni ŋun waaneel pu paacham, ke u mɔk nimi tiwan, ki cha ni kan waamii mu bi chain na dulnyaa wee ni, le u len ni chee tibɔr, mmii ngbaan ponn ni.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 5:4

Lijool ngbaan pu, Uwumbɔr nan len ni chee tibɔr, mmii ponn ni.

Ikaal 5:8

“‘Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

Ikaal 9:10

Le Uwumbɔr nan di ŋitakpapapan ŋilee ŋi pu u nan di ubaa aaŋaal ŋmee waah nan len ni chee tibɔr, mmii ni, bundaal ni nan kuun si lijool ngbaan chee na, tii mi.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Josua 23:11

Li nyi man, aan ki li gee Nidindaan Uwumbɔr.