Ikaal 4:13 - Uwumbɔr aagbaŋ

¹³ U nan tuk nimi naah ga ŋa pu aan ki li joo waah nan puu tipuur ti tii nimi na pu na; ke ni pɔɔn nibaa ki kii tii ikaal kipiik i u nan ŋmee paan ŋitakpal ŋilee pu na.

Ikaal 4:13 ပူးပေါင်းရင်းမြစ်များ

1 Bibɔrb 8:9

Moses aah nan di ŋitakpapapan ŋi ŋa u ponn ni, Sainai Aajool chee na baanja le bi Uwumbɔr Aakaal Aadakaa ngbaan ni, nibaa aa nan ki bi u ni ki kpee ŋi pu. Israel yaab aah nan nyan ni Ijipt aatiŋ ni, aan Uwumbɔr puu tipuur tii bi na, le Moses nan di ŋi ŋa u ponn ni.

Ilahn 119:4

Uwumbɔr, aa di saakaal tii timi le ki mɔk timi ke ti li dii i mbamɔm.

Nnyam 19:5

Dandana wee, ni yaa ga kii maaliin aan ki joo maah puu tipuur ti na kan, ni ga li ye maanib. Min le yeh dulnyaa wee mɔmɔk, nimi le ga li ye bininyaam

Nnyam 24:12

Uwumbɔr nan ki bui Moses ke, “Dan m chee lijool ngbaan paab. Buyoonn aa bi do na, m ga di ŋitakpal ŋilee ŋi m ŋmee ikaal ŋi pu na tii si, aa ti di mɔk binib ngbaan.”

Nnyam 31:18

N‑yoonn mu Uwumbɔr len Moses chee tibɔr doo, Sainai Aajool paab na, le u di ŋitakpapapan ŋilee ŋi uma Uwumbɔr ubaa ŋmee waakaal ŋi pu na di tii u.

Nnyam 34:1

Uwumbɔr nan ki bui Moses ke, “Kpii ŋitakpal ŋilee, ŋi li bi ke njan yee na, aan m ki ŋmee ŋi pu ŋimɔbon ŋi nan bi njan yee, ŋi aa nan di lii wii na.

Nnyam 34:28

Le Moses nan bi Uwumbɔr chee nima nwiin pu ni kinyeek ki ti saa iwiin imonko ilee, kaa ji, kaa nyu. Le u ŋmee tipuur aakaal kipiik na, ŋitakpapapan ŋilee na pu.

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

2 Korenti 3:7

Moses aakaal nan ŋmee ŋitakpapapan pu, ki nan fuu ni ni mpɔɔn aafuun la. Uwumbɔr aah nan cha Moses tii Israel yaab nkaal mu bi door na, Moses aanimbil wɔb nan wiin chain, le binib aanimbil aa ŋmaa lik u. Tɔ, nkaal mu mɔk timi ke ti ŋeer nkun na aah nan joo ni nwiihn kina na,

Ikaal 4:12

Ni ki tuk bi Uwumbɔr aah nan len tibɔr mmii ngbaan ponn ni pu na; ni ŋun waah len pu na, ki mu aa waa waah bi pu na.

Ikaal 4:14

Uwumbɔr nan tuk mi ke m di ikaal ngbaan mɔmɔk mɔk nimi, aan ni li joo i mbamɔm, kitiŋ ki ni ban ni ti gaa ki koo ki ponn ni na.

Ikaal 5:22

“Ikaal imina le Uwumbɔr nan di tii ni mɔmɔk, buyoonn ni nan kuun dan lijool ngbaan chee na. Waah nan len ni chee tibɔr nneel sakpiin, mmii ponn ni, ni ntaalangbam bɔmbɔm ponn ni na, le u nan di ikaal imina tii nimi. Waa ki di ibaa kpee i pu. U nan ŋmee i ŋitakpapepee ŋilee pu, le ki di i tii mi.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.