Ikaal 34:3 - Uwumbɔr aagbaŋ

³ ki di kina ki ti ker Juda aaŋangii wɔb, ki kpee nteer mu dɔ Soar aatiŋ ni, ki ti ker Jeriko aatiŋ aafataŋ ni na; bi yin Jeriko aatiŋ le ke ŋibɔkpal aasui aatiŋ na.

Ikaal 34:3 ပူးပေါင်းရင်းမြစ်များ

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 14:2

le bi nan buen bi ti faa bibɔrb biŋmu biken butɔb. Baah nan buen bi ti faa bibɔrb biŋmu bi butɔb na aayimbil sɔ: Sodom aabɔr u bi nan yin u ke Bera, ni Gomora aabɔr u bi nan yin u ke Birsa, ni Adma aabɔr u bi nan yin u ke Sinab, ni Seboyim aabɔr u bi nan yin u ke Semeber, ni Bela aatiŋ aabɔr. Bi ki yin Bela ke Soar.

Mpiin 14:8

Le bibɔrb bi bi Sodom, ni Gomora, ni Adma, ni Seboyim, ni Bela aatim ni na, ni baajab nan kuun buen Sidim aafataŋ ni,

Mpiin 19:22

Ŋa mala ki li san man. Ni yaa kaa fuu kitiwaatiir ngbaan ni kan, maan ŋmaa tun maah ban m ŋa pu na.” Lot aah nan yin kitiŋ ngbaan ke kitiwaatiir na, le bi yin ki ke Soar.

2 Bibɔrb Aabɔr 28:15

Le bi nyan bijab binaa ngbaan ke bi tii binaagbiib ngbaan tiwanpeenkaan, tiwan ngbaan ponn ni. Bi nan tii bi tiwanpeenkaan ni ŋinaatak bi peen ki taŋ, ki tii bi tijikaar ti ga ŋeer bi bi ji ki nyu na; le ki di olif aakpan meen baabuun. Bi ponn ni bi nan diŋ sakpen kaa ki ŋmaa chuun na, bi nan di bi diŋ ibon pu la. Le bi di binaagbiib ngbaan mɔmɔk di giin Juda aapepel aatiŋ ki bi yin ki ke Jeriko, aan ki ye ŋibɔkpal aasui aatiŋ na ni. Le Israel yaab gir kun bido Samaria.

Nkahm 34:3

Kitiŋ ngbaan aaŋangii wɔb ga dii kina ti nya Sinn aateersakpiin ni, ki dii Edom aatiŋ mɔk. Ki yoor liwipuul wɔb, nimi aatiŋ ga piin N‑yaan Aanyusakpem aadoon mɔk ŋŋangii wɔb la;

Bibɔjirb 1:16

Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

Bibɔjirb 3:13

Eglonn nan ti kpee Amonn yaab, ni Amalek yaab pu, le bi ti faa Israel yaab butɔb ki nyaŋ bi, le ki gaa ŋibɔkpal aasui aatiŋ Jeriko.