Ikaal 33:3 - Uwumbɔr aagbaŋ

³ Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

Ikaal 33:3 ပူးပေါင်းရင်းမြစ်များ

Ilahn 31:15

N‑yoonn mɔmɔk m bi aaŋaal ni la; nyan mi maadim aaŋaal ni, nyan mi binib bi ban bi ku mi na aaŋaal ni.

Ilahn 47:4

U lee kitiŋ ki ti ga li bi ki pu na tii timi, liwangol li ye waah gee binib bi na yaan na.

Ilahn 50:5

U bui ke, “Kuun ni maanib bi kpa gaakii ki di kitork puu tipuur tii mi na tii ni mi.”

Ŋiyataŋak 2:1

Maabo, bae maah mɔk si tiwan ni na, ki taa suln maah tuk si ke aa ŋa pu na daalbaadaal.

Ulandaan 9:1

M nan kal dakl pam le ni ti yunn, ki lik tiwan nimina, le ki ti kan ke Uwumbɔr le joo bilandam ni binib bi aabimbin ŋan na aabimbin mɔmɔk. Uma le joo baageehm ni baananaŋ mu. Ubaa aa nyi tiwan ni dɔ kiir u na.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 31:3

m nan nya dandar ki dan bi chee. Israel aanib, m gee nimi n‑yoonn mɔmɔk, le ki ga li mɔk nimi maageehm mu bi n‑yoonn mɔmɔk na.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Hosea 11:1

Uwumbɔr len ke, “Israel aah nan laa ye ubo pu na, m nan gee u, le ki nan yin u nyan ni Ijipt aatiŋ ni ke maabo na.

Malakai 1:2

Uwumbɔr bui waanib ke, “M gee nimi n‑yoonn mɔmɔk.” Le bi gar u ke, “Kinye aan aa mɔk timi saah gee timi pu na?” Le Uwumbɔr gar bi ke, “Esɔ ni Jakob nan ye naabitiib la, le m nan tee lee Jakob ni uyaabitiib,

Matiu 23:2

“Uwumbɔr aakaal aamɔmɔkb ni Farisii yaab tuk nimi Moses aakaal aatataa.

Tibɔnyaan ti Luk ŋmee ti na 10:39

Mata nan kpa naal ubaa, bi yin u ke Mari. Le Mari ka Yesu chee, ki pel waah len pu na.

Tibɔnyaan ti Luk ŋmee ti na 2:46

Iwiin itaa daal le bi ti kan u Uwumbɔr Aadichal ni. U ka bimɔmɔkninkpiib aakaasisik ni, ki pel baah len pu na, ki mu baa bi mbaan,

Tibɔnyaan ti Luk ŋmee ti na 8:35

Binib aah ŋun kina na, le bi dan bi nan lik budabu ŋa na, le ki fuu ni Yesu chee, ki kan uja u tiyayaar nyan u ni na ka Yesu chee ki cheer ki pee tiwanpeenkaan, kaa ki chuun uŋmeen. Le ijawaan chuu bi.

Lituln 22:3

“M ye Juu yaab aanii la. Bi nan ma mi Tasus aatiŋ ki bi Silisia aatiŋ ponn ni na la. M nan bae mbaem Jerusalem ni, do chee na la. Gamaliel le nan mɔk mi. M nan bae tiyaajatiib aakaal mbamɔm. Nnimbil nan man Uwumbɔr aatuln pu, ke ni mɔmɔk aah bi pu dandana wee na.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 4:37

Waah gee niyaajatiib pu na, le u lee nimi, ki di waapɔɔn sakpiin na nyan ni nimi Ijipt aatiŋ ni.

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

1 Tesalonika 1:6

Le ni nan ŋakni timi ni Tidindaan; ba pu? ni gaa Yesu aabɔr ki kan falaa sakpen tibɔr ngbaan pu, ki mu nan kpa mpopiin mu Uwumbɔr Aafuur Nyaan tii nimi na.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.

1 Jɔnn 4:19

Uwumbɔr le nan puen gee timi. Nima pu le ti mu gee u.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.