Ikaal 32:5 - Uwumbɔr aagbaŋ

⁵ Nimi Aawumbɔr ŋani waah len pu na, nimi le aa si chob, kaa ŋeer ke ni li ye waanib, le kaa ye mbamɔndam, ki ye litimbol li ŋmanni, ki ye titunwanbirdam na.

Ikaal 32:5 ပူးပေါင်းရင်းမြစ်များ

Mpiin 6:12

Uwumbɔr nan lik dulnyaa, ki kan ke unibɔn aatunwanbir wiir ti nyaŋ.

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Nnyam 32:7

Uwumbɔr nan bui Moses ke, “Gir sunn mala, ba pu? saanib bi aa nyan ni bi Ijipt aatiŋ ni na tun titunwanbir, ki yii mi a.

Ŋiyataŋak 8:8

Maah len tiwan ni mɔmɔk na ye ibamɔn la, nibaa aa ye inyamɔn, bee tiwan ni ga cha aa yenn na.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 63:8

Uwumbɔr bui ke, “Bi ye maanib la; baan ŋmann mi.”

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Sefania 3:7

N‑yoonn ngbaan le m nan dak ke maanib ga san mi ki kii maasurm, aan baatiŋ taa kuln, aan maatafadaan mɔmɔk taa dan bi pu. Tɔ, bi nan beenin neen ke bi li tun beebee aatun baatuln mɔmɔk ni.”

Nkahm 23:21

Maah kan pu na, Israel yaab aan kan tibɔbir, bee limukl libaa. Bidindaan Uwumbɔr bi bi chee; bi mooni ke u ye baabɔr la.

Matiu 16:4

Nimi dandana aanib, ni ye titunwanbirdam la, kaa dii Uwumbɔr, nima le ni ban lijinjiir aatuln. Uwumbɔr aah nan ŋa lijinjiir aatuln ki ŋa waabɔnabr Jona pu na, lituln limina aaboln le ni ga kan. Maan mɔk nimi lijinjiir aawan niken kpee.” Waah len kina na, le u siir nima ki cha bi.

Matiu 17:17

Le Yesu bui ke, “Nimi dandana aanib, naa gaa Uwumbɔr ki kii, ki mu aa dii u mbamɔm. Ni ban ke m yunn ni chee kinye pu, aan ki li kpa limɔr ni pu, aan ni gaa mi ki kii? Li joo ni ubo ngbaan m chee.”

Matiu 3:7

Le Jɔnn kan Farisii yaab ni Sajusii yaab pam dan u chee ke u muin bi nnyun ni. Le u baa bi, “Nimi ijagen aabim, ŋma sur nimi ke ni nya ntafadaan mu choo na ni?

Tibɔnyaan ti Luk ŋmee ti na 9:41

Le Yesu bui ke, “Nimi dandana aanib, naa gaa Uwumbɔr ki kii, ki mu aa dii u mbamɔm. Ni ban ke m yunn ni chee kinye pu, aan ki li kpa limɔr ni pu?” le ki tuk ubo ngbaan aate, “Li joo ni aajapɔɔn ngbaan m chee.”

Jɔnn 8:41

Ni ŋani ke nite aah ŋani pu na la.” Le bi bui u, “Taa ye mbɔnbim. Tite ye ubaa la. Uma le ye Uwumbɔr.”

Lituln 2:40

Le Piita di tibɔr ti wiir na tuk bi Yesu aabɔr, le ki sur bi ki bui bi, “Pɔɔn nibaa man ki ŋmar, ki nya ntafadaan mu ga pii titunwanbirdam ngbaan na ni.”

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Ikaal 32:20

le ki bui ke, ‘Maan ki ter bi kpala, ki lik tiwan ni ga ŋa bi na.’ Bi ye binib bi aasui pɔɔ, kaa ban bi sil mbamɔm na la.

Ikaal 4:16

ki taa tun titunwanbir ke ni di tiwan nibaa ŋa liwaal tii nibaa, aan ni li naahn upii, bee uja,

Ikaal 4:25

“Hali ni yaa bi kitiŋ ngbaan ni ki ti saa n‑yoonn mu na, ki ma mbim ni yaabitiib kan, ni taa tun titunwanbir ki naan liwaal, ki di naŋ tiwan nibaa. Kina aatun aa ŋan Uwumbɔr chee, le ki ga cha u gee liŋuul ni pu.

Ikaal 9:24

Maah bee nimi bundaal ki nan saa din wee na, naa kii tii Uwumbɔr.

Filipi 2:15

aan ki li ye Uwumbɔr aabim bi kaa kpa taani, kaa kpa ngalm na. Ni bi titunwanbirdam aakaasisik ni la. Ni li bi ke nwiihn na le dulnyaa wee ni ki wiin bikaasisik ni,

Bibɔjirb 2:19

Le usaloln ngbaan yaa ti ti kpo kan, le binib ngbaan ki gir buen baatunwanbir ni, le ki tun ni bir jer biyaajatiib na. Bi nan dooni ŋiwaa, le ki tun tii ŋi, ki yii, kaan di cha baatunwanbir aatum.