Ikaal 32:47 - Uwumbɔr aagbaŋ

⁴⁷ Ikaal ngbaan aa ye bɔfam, ima le ye nimi aamɔfal. Ni li joo i mbamɔm, nima kan, ni yaa puur Jɔɔdann Aamɔɔdapuul doo kan, ni ga li kpa limɔfafɔfɔŋ, ki li bi kitiŋ ngbaan ni.”

Ikaal 32:47 ပူးပေါင်းရင်းမြစ်များ

Ŋiyataŋak 3:18

Binib bi kan nlan na kpa mpopiin. Nlan ga tii bi limɔfal li kaa kpa ndoon na.

Ŋiyataŋak 3:22

Ni ga tii si limɔfal li ye mmɔɔn, ni mpopiin aamɔfal na.

Ŋiyataŋak 4:13

Li teer saah bae tiwan ni na n‑yoonn mɔmɔk. Saabaen le ye saamɔfal, li kii mu mbamɔm.

Ŋiyataŋak 4:22

Ŋi ga tii unii umɔk bee ŋaatataa na limɔfal ni mpɔɔn.

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Liifai Yaab 18:5

Ni li ŋani ki li dii maakaal i m di mɔk nimi na; ni yaa ŋa kina kan, ni ga li kpa limɔfal. Min le ye Uwumbɔr.”

Amos 5:4

Le Uwumbɔr bui Israel yaab ke, “Dan m chee man, aan ki kan limɔfal.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Lituln 7:38

Uma Moses, ni tiyaajatiib, ni Uwumbɔr aatuun nan bi nteersakpiin ni, Sainai aajool chee, le Uwumbɔr aatuun len u chee tibɔr lijool ngbaan paab, ki tuk u limɔfal aabɔr ke u nan tuk timi.

Ikaal 30:16

Ni yaa kii Nidindaan Uwumbɔr aah ban ni ŋa pu na mɔmɔk, ki gee u, ki kii waamɔb, ki joo waakaal imɔk m joo tii nimi din wee na kan, ni ga kan naah ban pu na, ki ŋa litimbol li aanib wiir sakpen na. Le Nidindaan Uwumbɔr ga ŋa tinyoor ŋa ni pu, kitiŋ ki ponn ni, ni ban ni gaa na.

Ikaal 31:13

Nima kan, niyaabitiib bi kaa kee ŋun Nidindaan Uwumbɔr Aakaal aabɔr ngbaan na mu ga ŋun ti. Nima le ga cha bi bee ki kii waamɔb, kitiŋ ki ni ban ni puur Jɔɔdann Aamɔɔl ki ti gaa ki na ni, ki ti saa baamɔfal aadoon.”

Ikaal 33:25

Uwumbɔr li kii nimi aatim ke baah di tikur aajaaleŋ tiib le kiir mu na, aan ni li pɔɔ ki ti saa nimi aakundaal.”

Ikaal 4:40

Ni li joo waakaal imɔk m di tuk nimi din wee na, le tiwan mɔmɔk ga li bi mbamɔm tii nimi, ni niyaabitiib. Nima kan, ni ga li bi kitiŋ ki Nidindaan Uwumbɔr ga di tii nimi na pu, ki li ye nimi yaan ki cha n‑yoonn mu kaa kpa ndoon na.”

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’

Ikaal 8:3

U nan cha ni chuun nkon, le u di tijikaar ti bi yin ti ke mana, aan nimi ni niyaajatiib aa nyi ti na kpiin nimi. U nan ŋa kina ke u mɔk nimi ke naa ye tijikaar baanja le ga ŋmaa tii unii limɔfal; limɔboln limɔk nyan ni Uwumbɔr aamɔb ni na le ga tii unii limɔfal.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.

2 Piita 1:16

Ti nan tuk nimi ke Tidindaan Yesu Kristo kpa mpɔɔn sakpen ki ga ki gir ni. Taah tuk nimi pu na aa ye itiin. Ti gbii la. Tinimbil kan waah kpa mpɔɔn sakpen pu na.

2 Piita 1:3

Waapɔɔnsakpiin pu, le u tii timi tiwan nimɔk ga ter timi ke ti kan limɔfal ki dii u mbamɔn na. Taah nyi u pu na, nima le cha u tii timi. U nan mɔk timi ke u ŋan sakpen, ki kpa mbimbinyaan, ki yin timi ke ti dii u,

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.