Ikaal 32:4 - Uwumbɔr aagbaŋ

⁴ Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Ikaal 32:4 ပူးပေါင်းရင်းမြစ်များ

Mpiin 1:31

Le Uwumbɔr nan lik ki kan ke waah ŋa tiwan nimɔk na ŋan pam. Le ni ki joor, ki ki woln kichakpiik ni. Winloob daal le na.

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

2 Samuel 22:47

Uwumbɔr bi n‑yoonn mɔmɔk. Pak maakikiir man. Moon man ke Uwumbɔr pɔɔ; Uwumbɔr u gaal mi lir na pɔɔ sakpen a.

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Nehemia 9:8

Aa nan kan ke u kpa gaakii tii si, le aa nan puu tipuur tii u. Aa nan puu ke aa ga di Kanaann yaab aatiŋ tii u, ki kpee Hef yaab, ni Amor yaab aatim, ni Peris yaab, ni Jebus yaab, ni Girgas yaab aatim ke mu li ye uyaabitiib aatim. Saah ŋani saah len pu na n‑yoonn mɔmɔk na, aa joo saah puu pu na mbamɔm.

Job Aagbaŋ 34:10

Nimi binib bi kpa ŋuntii na, li pel m chee man. Uwumbɔr Mpɔɔnsakpiindaan ga ŋmaa ŋa tiwan ni kaa ŋan na aa?

Job Aagbaŋ 35:14

Job, aa bui ke saa waa Uwumbɔr; tɔ, ji limɔr, saabɔr bi u chee.

Job Aagbaŋ 36:23

Ubaa aan ŋmaa bui Uwumbɔr waah ga ŋa pu na, kaan ŋmaa galn u ke u tun titunwanbir.

Job Aagbaŋ 8:3

Uwumbɔr aa fenni ibamɔn; u tun ni ŋan na n‑yoonn mɔmɔk.

Ilahn 100:5

Uwumbɔr ŋan la; waageehm aa kpa ndoon, u joo waah puu tipuur ti na ki ti saa n‑yoonn mu kaa kpa ndoon na.

Ilahn 138:8

Aa ga ŋa saah puu tipuur ti na mɔmɔk. Uwumbɔr, saageehm aa kpa ndoon. Doo lituln li aa piin li na.

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 146:6

Uma Uwumbɔr le tiyaaja Jakob mu nan dii, uma le nan naan paacham, ni kitiŋ, ni nnyusakpem, ni tiwan ni mɔmɔk bi ni ponn ni na. U ŋani waah puu tipuur ti na n‑yoonn mɔmɔk;

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 18:46

Uwumbɔr bi n‑yoonn mɔmɔk. Pak maakikiir man. Moon man ke Uwumbɔr kpa mpɔɔn; u gaal mi lir na pɔɔ sakpen a.

Ilahn 19:7

Uwumbɔr aakaal si chob la; le ki tii binib mpɔɔn pɔɔn. Aa ga ŋmaa mak Uwumbɔr aakaal pu, mu tii nlan aah par binib bi na nlan.

Ilahn 31:5

M di mbaa ŋa aaŋaal ni la. Uwumbɔr, sin le ga gaa mi lii; aa ye Uwumbɔr u ŋani saah len pu na la.

Ilahn 33:4

Uwumbɔr aamɔbon gbii la, le aa ga ŋmaa nyii waatun pu ki sil.

Ilahn 78:35

Bi nan teer ke Uwumbɔr le ye baakikiir, ki teer ke uma Uwumbɔr u kaa kpa ŋeen aatɔ na le ter bi.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Ilahn 90:16

Cha timi saatutum kan saapɔɔn sakpiin aatun; Cha timi aayaabitiib kan saapak sakpeŋ.

Ilahn 92:15

Nimina le mɔk ke Uwumbɔr si chob la, maakikiir aa kpa ngalm mubaa.

Ilahn 97:2

Ntaalangbam, ni mbɔmbɔɔn le mann goln u; u joo mbimbinyaan ni ibamɔn le joo binib.

Ilahn 98:3

U joo waah puu tipuur ti tii waanib Israel yaab na. Waa nya bipuwɔb, le ki kpa ngeehm tii bi n‑yoonn mɔmɔk. Binib bimɔk bi ni kookoo na kan timi Aawumbɔr aanyaŋ.

Ilahn 99:4

Ubɔrkpaan, aa gee ibamɔn aawan la; aa cha ibamɔn bi Israel aatiŋ pu; aa joo ni mbimbinyaan ni ibamɔn.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Ulandaan 3:14

M nyi ke tiwan ni mɔmɔk Uwumbɔr ŋani na aan li kpa ndoon. Saan ŋmaa di nibaa kpee ni pu, kan ŋmaa bar ni pu. Uwumbɔr ŋani kina ke binib li pak u la.

Aisaya 17:10

Israel yaab, ni suln Uwumbɔr bɔr; uma le nan nyan ni nimi ki kii nimi ke litakpasakpeln na. Naah tee ŋa pu na le ye ke ni ŋum ŋisubil aasui le ki dooni ŋiwaa.

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 26:4

Tiin man Uwumbɔr naadii n‑yoonn mɔmɔk; u ga li kii timi n‑yoonn mɔmɔk.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Habakuk 1:13

Tɔ, ba ŋa saa daa bibiindam ngbaan aatafal? Aanimbil bi chain pam kaan ŋmaa lik titunwanbir, kaan ŋmaa li si lik aan binib ŋani tiwan ni kaa ŋan na. Kina pu na, ba ŋa aa ka ŋmin aan bi bi kuln binib bi aabimbin ŋan jer baabimbin na?

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Matiu 5:48

Nima pu na, ni li bi mbamɔm, ke Nite Uwumbɔr u bi paacham na aah bi pu na.”

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Jɔnn 14:6

Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Jɔnn 5:22

Nte Uwumbɔr aa ji unii ubaa tibɔr, u cha min Ujapɔɔn le ji binib mɔmɔk aabɔr,

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 2:2

Ti nyi ke Uwumbɔr yaa daa binib bi ŋani kina na aatafal kan, ni ŋan.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Rom Yaab 3:5

Timi aatunwanbir yaa mɔk ke Uwumbɔr ŋani ni ŋan na kan, ti ga len ke Uwumbɔr yaa daa titafal kan, u ŋa ni kaa ŋan na aa? Binib bi kaa dii Uwumbɔr na le baa kina.

Ikaal 10:18

Uma le lik nkpobim, ni bikpopiib, ki gee biwɔwɔm bi koo ti chee na. Uma le tii bi tijikaar ni tiwanpeenkaan.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Ikaal 32:18

Bi nan suln Uwumbɔr Mpɔɔnsakpiindaan u gaa bi lii ki tii bi limɔfal na bɔr.

Ikaal 7:9

Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Jemisi 4:12

Uwumbɔr baanja le ye u tii timi nkaal na, ki ye nkaal Aadindaan, ki ye u ji binib tibɔr na. Uma baanja le ga ŋmaa gaa timi lii, ki ga ŋmaa bii timi. Aa ye ŋma ki galn aaŋeen aatɔ?

1 Piita 2:6

Uwumbɔr Aagbaŋ len ke, “Lik, m lee litakpal li ŋan na ki di bil Sionn aatiŋ ni. M di litakpal ngbaan ki di siin kaalɔlɔŋ ni, le unii umɔk gaa u ki kii na aan ji inimɔɔn.”

1 Samuel 2:2

Ubaa aa bi chain ke Uwumbɔr na; ubaa aa bi ke uma na, ukikiir ubaa aa bi ke timi Aawumbɔr na.