Ikaal 32:17 - Uwumbɔr aagbaŋ

¹⁷ Bi nan toor kitork ki tii tiwan ni kaa ye Uwumbɔr na la, kinimbɔŋ le bi toor tii: ŋiwaa ŋi biyaajatiib Israel yaab aa nyi ŋi daalbaadaal na, Israel yaab aa kee doon ŋi daalbaadaal.

Ikaal 32:17 ပူးပေါင်းရင်းမြစ်များ

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Liifai Yaab 17:7

Israel aanib taa ki yii Uwumbɔr ki li kɔr baawakor tisar, ni ŋinampal, ki toor kitork tii kinimbɔŋ. Israel aanib mɔmɔk li joo nkaal ngbaan ki cha n‑yoonn mɔmɔk.

1 Timoti 4:1

Tɔ, Uwumbɔr Aafuur Nyaan len mpaan pu, ke n‑yoonn mu choo na binib bibaa ga yii Yesu aabɔr, ki kii inyamɔn, ki dii bipɔnib bi ŋmanni bi na.

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Nnyam 32:8

Maah mɔk bi ke bi li dii mi pu na, bi di lii a, le ki donn salmaa ŋa unaajabo ki dooni u, ki toor kitork tii u, le ki len ke baawaal sɔ, uma le nyan ni bi Ijipt aatiŋ ni.

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Amos 5:25

“Israel aanib, maa nan ban kitork ni ipiin ibaa ŋibin imonko ilee ŋi ponn ni m nan di nimi dii ni litambol ŋmeen aatiŋ ni na ni chee.

Ikaal 13:8

ni taa cha u ŋmann nimi aan ni san dii u, ni taa pel waah len pu na kpala. Ni taa san u kinimbaak kpala, ki taa biin u pu.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,