Ikaal 32:16 - Uwumbɔr aagbaŋ

¹⁶ Baah nan dooni ŋiwaa ŋi na le nan cha lipiipoln chuu Uwumbɔr. Baah tun titunwanbir ti na cha liŋuul chuu u.

Ikaal 32:16 ပူးပေါင်းရင်းမြစ်များ

1 Bibɔrb 14:22

Juda aanib nan tun Uwumbɔr titunwanbir ki ŋa taani u jer biyaajatiib mɔmɔk aah nan ŋa pu na le ki fiin waaŋuul.

1 Bibɔrb 14:9

Aa tun titunwanbir ki jer bijojoob bi nan puen si ki joo kitiŋ na pel pel. Aa yii mi le ki di tikur naan tiwanaankaan ni ŋiwaa ke aa li dooni ŋi, le ki fiin maaŋuul.

2 Bibɔrb 17:11

le ki seer nnyɔknii ŋiwaabimbin mɔmɔk pu, ki dii binib bi Uwumbɔr nan jenn nyan bi kitiŋ ngbaan pu na aasan. Bi nan di baabiin aatun fiin Uwumbɔr aaŋuul,

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

2 Bibɔrb 21:6

U nan di ujapɔɔn toor kitork ki di see mmii ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na chee, ki len bitekpiib chee tibɔr. U nan tun Uwumbɔr titunwanbir sakpen, le ki fiin waaŋuul.

2 Bibɔrb 23:13

Josia nan bii ŋiwaa aatork aabimbin ŋi Ubɔr Solomonn nan maa Jerusalem aatiŋ ponn ni aawipuul wɔb, ki bi Olif Aajool aaŋangii wɔb na, ŋiwaabimbin ngbaan pu le bi nan dooni tijɔŋ aawaa. Nima le ye Saidonn aawaapii Astaate, ni Moab aawaal Kemos, ni Amonn aawaal Molek.

Ilahn 106:29

Baatun le nan fiin Uwumbɔr aaŋuul, le iween i bir sakpen na lir ni bikaasisik ni.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Aisaya 43:12

M nan len tiwan ni ga ŋa na, le ki dan nan ter nimi. Liwaal libaa aa kee ŋa kina; nimi le ye maaseeraadam.

Jeremia 2:11

Litimbol libaa aa kee kpeln laawaa ŋi kaa ye nibaa na, le maanib ma di min Uwumbɔr u tii bi liyimbil na kpeln ŋiwaa ŋi kaan ŋmaa ŋa nibaa tii bi na.

Jeremia 2:25

Israel yaab, naah bi san ban ŋiwaa pu na le cha nitaa deer, le nineen ni mu kuur. Le ni bui ke, ‘Aayii. Taan ki fenn tipuwɔb. Ti gee ŋiwaa aabɔr pam, le ki ga li san dii ŋi.’”

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Esekiel 8:3

U nan taln tiwan ni naahn ŋŋaal na ki di chuu maayikpir. Le Uwumbɔr Aafuur Nyaan yoor mi paacham ki di mi buen Jerusalem aatiŋ ni. U nan di mi buen Uwumbɔr Aadichal aabisamɔb mu bi ponn ni, ki bi ŋŋangan wɔb nin chee liwaal li fiini Uwumbɔr aaŋuul sakpen na si na.

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.

Ikaal 5:9

Ni taa gbaan kitiŋ ke ni doon liwaal libaa, ba pu? min le ye Nidindaan Uwumbɔr, le maa ban ke m ni ubaa li kpaan yeh nimi. M ga daa binib bi nan mi na, ni baabim, ni biyaabitiib, ni bi mu aayaabitiib aatafal.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.