Ikaal 32:13 - Uwumbɔr aagbaŋ

¹³ Uma le cha bi joo ŋijoo aatim, le ki cha bi ji kipɔɔk ni aasubil. U nan di tisiir ti bi titakpalunn ni na le kpiin bi, le baakpan aasui nan ŋani ntakpateer pu.

Ikaal 32:13 ပူးပေါင်းရင်းမြစ်များ

2 Samuel 22:34

U cha m san mala mala ke upeeman na; u nyani mi linimaln ni, ŋijoo pu.

Job Aagbaŋ 20:17

Waan li bi ki kan buyoonn n‑yaan ni nkpan ga nan li wiir ke limɔɔl aanyun na.

Job Aagbaŋ 29:6

Maanaa ni iŋoob nan kpa nnaabiin pam, le maakpasɔi aasui nan muuni ŋitakpal ŋmeen aatiŋ pu.

Ilahn 18:33

U cha m san mala mala ke upeeman na; u nyani mi linimaln ni, ŋijoo paab.

Ilahn 81:16

Le m ba ga di njikaabim mu ŋan sakpen na kpiin nimi ki cha ni ji tisiir ti bab.”

Aisaya 48:21

Uwumbɔr aah nan di waanib dii nteersakpiin mu ton ki kuun na ni na, baa nan kan nnyunyuu aafalaa. U nan cha nnyun nyan ni litakpal ni ki tii bi; u nan gaa lar litakpal ngbaan le nnyun puu nyan ni.

Aisaya 58:14

aa ga kan mpopiin mu nyan ni saah tun maatuln pu na ni. M ga cha dulnyaa mɔmɔk li pak si, le aa ga ji mmɔɔn, kitiŋ ki m nan di tii aayaaja Jakob na pu. Min Uwumbɔr le len kina.”

Esekiel 16:13

Aa nan kpa salmaa ni tikunabr aawanyaan, le ki gbab ŋikeken ŋi kpa nyɔla nyɔla ki ye ŋitanyaan, ni ŋi ŋar bɔl bɔl na, n‑yoonn mɔmɔk. Aa nan ŋmɔ n‑yonyaan aaboroboro la, le aa kpa tisiir, ni olif aakpan ki ji. Saanyaan nan deer ŋinimbil la, le aa kpaln upiibɔr.

Esekiel 21:17

M mu ga kpaar ŋŋaal, le maaŋuul ga sɔŋ. Min Uwumbɔr le len kina.”

Esekiel 36:2

min Dindaan Uwumbɔr aah kpa pu m tuk ŋi na: Israel aatiŋ aadim nan di kikumɔŋ lik ki, ki len ke, ‘Timi gur yeh n‑yaayoonn na aagongon ngbaan.’

Hosea 13:6

Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Ikaal 28:47

Uwumbɔr le ŋani tinyoor ŋani ni pu tiwan mɔmɔk ni, le ni yii ke naan doon u, kaan li kpa mpopiin ki li mɔɔni u pu.

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Ikaal 8:15

Uma le nan loln ni pu nsan, nteersakpiin mu bir na ni, nin chee inyoohn ni ikuub i kpa liluul sakpen na bi na. Kitikuun ki kaa kpa nnyun kpala na, le u nan cha nnyun nyan ni litakpajool ponn ni, le ni nyun.

Ikaal 8:8

kitiŋ ki ŋani njikaabim, ni ŋisubil aabɔŋ aabɔŋ, ni olif aakpan aasubil, ni tisiir na.