Ikaal 31:9 - Uwumbɔr aagbaŋ

⁹ Moses nan ŋmee Uwumbɔr Aakaal aagbaŋ ngbaan, le ki di mu tii Liifai yaab bi ye bitotoorb ki lik Uwumbɔr Aakaal Aadakaa na, ni Israel yaab aayidam.

Ikaal 31:9 ပူးပေါင်းရင်းမြစ်များ

1 Bibɔrb 8:3

Bisalolm ngbaan mɔmɔk aah nan kuun na, le bitotoorb yoor Nkaal Aadakaa na,

2 Bibɔrb 17:37

Ni li joo ikaal ni mmɔkm mu m ŋmee tii nimi na. Ni taa ki kii tii ŋiwaa,

1 Bibɔrb Aabɔr 15:2

le ki bui ke, “Liifai yaab baanja le ga tun Uwumbɔr Aakaal Aadakaa ngbaan, bima le Uwumbɔr nan lee ke bi li tui ki tun waatuln ki ti saa n‑yoonn mu kaa kpa ndoon na.”

Nehemia 8:2

Kina pu na, Esra nan buen ti yoor ni Nkaal Aagbaŋ ngbaan, binib ngbaan aah kuun nin chee na, bijab, ni bipiib, ni mbim bi chikr ki ga ŋmaa bee tiwan aatataa na chee.

Nehemia 8:3

Mbisamɔb ngbaan chee le u nan karn Nkaal Aagbaŋ ngbaan ki nyan kichakpiik ni ki ti saa nwiin pu, le bi mɔmɔk si pel gbimm ke bi ŋun ti mɔmɔk.

Nnyam 24:4

Le Moses ŋmee Uwumbɔr aakaal ngbaan mɔmɔk bil. Naah woln na, le u pue kichakpiik ni ki maa kitork aabimbiln lijool ngbaan aataab, le ki di ŋitakpal kipiik ni ŋilee mu ki di chɔɔn chɔɔn, le ŋitakpal ngbaan si Israel yaab aanaakɔsamɔi kipiik ni ilee na.

Daniel 9:13

Aa nan tii timi ntafadaan mumɔk nan ŋmee dɔ Moses aakaal ponn ni na. Tidindaan Uwumbɔr, hali nima ngbaan aa cha ti mee si ki aa san timi kinimbaak, bee ti yii timi aatunwanbir ki fenn dii saasan mu ye ibamɔn na.

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Nkahm 33:2

Uwumbɔr aah nan tuk Moses pu na, u nan ŋmee nin chee mɔmɔk bi kal na aayimbil.

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Nkahm 4:5

Uwumbɔr nan tuk Moses baah ga li tun lituln li na. “N‑yoonn mu ni ti ŋeer ke ni fii ki buen nibaa chee na kan, Aaronn ni ujapɔtiib koo Maabool ponn ni, ki chuu nyan likekeln li bi Uwumbɔr Aakaal Aadakaa chee na, ki di li biin Dakaa ngbaan pu.

Nkahm 4:6

Bi di ngbanyaan ki di poo u, ki di likekeln bɔmbɔln kpar biin upaacham, aan ki di ŋidabil ŋi bi joo yoor u na ŋa ŋaabon ni.

Tibɔnyaan ti Mak ŋmee ti na 12:19

Le bi bui u ke, “Umɔmɔkr, Moses nan ŋmee nkaal ki di tii timi ke, ‘Uja yaa kpo, ki cha upuu, kaa kpa ubo kan, unaal di ukpopii ngbaan kpan, ki ma mbim ki tii ukpel.’

Tibɔnyaan ti Luk ŋmee ti na 20:28

Le bi bui u, “Umɔmɔkr, Moses nan ŋmee nkaal tii timi ke, ‘Uja yaa kpa puu ki yaa kpo, kaa kpa ubo kan, unaal di ukpopii ngbaan kpan, ki maa mbim tii ukpel.’

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Jɔnn 1:45

Filip mu nan ti kan Natanael le ki tuk u, “Ti kan unii u Moses ni Uwumbɔr aabɔnabtiib mu nan ŋmee waabɔr Uwumbɔr aakaal aagbaŋ ni na. Uma le ye Josef aajapɔɔn Yesu, u ye Nasaref aatiŋ aanii na.”

Jɔnn 5:46

Tɔ, ni yaa ba pak waamɔbon kan, ni ba ga pak m mu aaliin; ba pu? maabɔr le u ŋmee.

Ikaal 10:8

Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.

Ikaal 17:18

U yaa ŋa ubɔr kan, u pɔɔn ubaa ki li kpa Uwumbɔr aakaal, ni waamɔkm ni nyan ni bitotoorb Liifai yaab aagbaŋ ni na.

Ikaal 31:28

Kuun ni nimi aanibol ngbaan aayidam mɔmɔk, bi dan m chee, aan m nan tuk bi tibɔr tee; m ga yin kitaapaak ni kitiŋ aan ni li ye timi aaseeraadam.

Ikaal 33:10

Bima le ga mɔk saanib aan bi li joo saakaal mbamɔm; Bima le ga di tiwakor toor kitork saabimbiln paab.

Josua 3:3

le ki bui ke, “N‑yoonn mu ni ti kan bitotoorb yoor Tidindaan Uwumbɔr Aakaal Aadakaa tun na kan, ni fii ki li dii bi man.

Josua 6:12

Lelee aawiin daal, Josua nan pue fii kichakpiik ni, le ki cha bitotoorb, ni bijab ngbaan ki chuun mann kitiŋ ngbaan ke baah fe mann njan aawiin daal pu na; njan, bijab bi ye bisalolm na, le bitotoorb bilole bi pii ikpiinja aayiin ilole na, le ki cha bi tu Uwumbɔr Aakaal Aadakaa na, le kookoo yaab nan ye bijab bi paa puwɔb na. N‑yoonn mumina mɔmɔk bi nan chuun, le bikpiinpiib pii iyiin.