Ikaal 31:4 - Uwumbɔr aagbaŋ

⁴ Uwumbɔr ga kuln binib ngbaan ke waah nan nyaŋ Amor yaab aabɔrb Sihonn ni Og, ki kuln baatiŋ pu na.

Ikaal 31:4 ပူးပေါင်းရင်းမြစ်များ

Ikaal 2:33

le Tidindaan Uwumbɔr nan di bi ŋa tiŋaal ni, le ti nyaŋ bi, ki ku ubɔr ngbaan, ni ujapɔtiib, ni waajab mɔmɔk.

Ikaal 3:21

“Le m tuk Josua ke: ‘Aa kan Nidindaan Uwumbɔr aah nan ŋa bibɔrb bilee na, Sihonn ni Og pu na, kina le u ga ŋa bibɔrb bimɔk ni ga gaa baatim na.

Ikaal 31:3

Nidindaan Uwumbɔr ubaa le ga loln ni pu nsan, ki kuln ŋitimbol ŋimɔk bi nima chee na, aan ni ga ŋmaa gaa baatiŋ. Uwumbɔr le bui ke Josua le ga ŋa nimi aayidaan.

Ikaal 31:5

Uwumbɔr le ga cha ni nyaŋ bi; ni ŋa bi tiwan nimɔk m bui nimi ke ni ŋa bi na.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Josua 24:12

Naah nan tur koo bi ponn ni pu na, m nan cha ijawaan koo bi, aan ni ŋmaa jenn nyan Amor yaab aabɔrb bilee ngbaan. Naa nan ye nimi aajaak aajum ni itɔi pu le ni nan ŋmaa nyaŋ.