Ikaal 30:9 - Uwumbɔr aagbaŋ

⁹ Uwumbɔr ga ŋa tinyoor ŋa ni pu, nimi aatuln mɔmɔk ni, le ni ga li kpa mbim ni tiwakor pam, le nimi aakpaakon ga ŋa tijikaar pam. U ga li kpa mpopiin ke u tii nimi liwangol, ke waah nan kpa mpopiin ki tii niyaajatiib pu na.

Ikaal 30:9 ပူးပေါင်းရင်းမြစ်များ

Aisaya 62:4

Ubaa aan ki yin si ke, “Baah yii u na,” kaan ki yin saatiŋ ke, “Upii u aachal san cha u na.” Saayimbipɔln le ga li ye ke, Hefsiba. Le saatiŋ mu yoo li ye ke, Bula, ba pu? Uwumbɔr aanimbil gbiin si, ki ga li bi ke chal na le ki tii saatiŋ.

Aisaya 62:5

Unachipɔɔn aah yoor upii u kaa nyi uja na pu na, kina le Uwumbɔr u naan si na ga yoor si ŋa upuu. Unachipɔɔn aah yoor ubɔɔn aan ni mɔ u pu na, kina le Uwumbɔr aasui ga li piin aa pu.

Aisaya 65:19

Min mbaa ga li kpa mpopiin Jerusalem ni kaanib pu. Iwiil aan li bi nima, ubaa aan li yin uken ki ban nterm nima.

Jeremia 31:27

“Min Uwumbɔr len ke n‑yoonn choo, le m ga cha Israel ni Juda aatiŋ gbiin binib ni tiwakor.

Jeremia 31:28

Maah nan chuu mbaa pu ki ŋɔb bi, ki gbaa bi bil, ki nyaŋ ki kuln bi na, kina le m ga ki chuu mbaa ki gir ŋum bi ke busub na, ki maa bi kaan.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Liifai Yaab 26:4

m ga cha utaal nu waayoonn, nima kan, kitiŋ ngbaan ga ŋa tijikaar, le isui mu ga lu ŋisubil.

Liifai Yaab 26:6

“M ga tii nimi nsuudoon nimi aatiŋ ngbaan ni, le ni ga li dɔ geen kaa san ijawaan ibaa. M ga kuln tipeewanbir timɔk bi nimi aatiŋ ni na, le butɔb aan ki li bi nima chee.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Tibɔnyaan ti Luk ŋmee ti na 15:32

Aanaal umina, m nan nyi ke u kpo a, le u bi. U nan wɔŋ a, le m ki kan u. Nima le ni ŋan ke ti li mɔɔni ki li kpa mpopiin.’”

Jɔnn 15:11

“M tuk nimi tibɔr timina ke ni li kpa mpopiin ke maah kpa pu na. M ban ke ni li kpa mpopiin mbamɔm.

Ikaal 28:4

“Uwumbɔr ga ŋa tinyoor ŋa ni pu, ki tii nimi mbim, ni tijikaar, ni tiwakor pam.

Ikaal 28:63

Ni nan mɔ Uwumbɔr le u ŋa tinyoor ŋa ni pu ki cha ni pɔr, ni ga ki li mɔ u ke u bii ki kuln nimi. Bi ga nyan nimi kitiŋ ki ni ban ni koo ki ponn ni ki gaa ki na ni.

Ikaal 30:8

Le ni ga ki gir kii waah len pu na, ki joo waakaal imɔk m di tuk nimi din wee na.

Ikaal 7:14

Binib bibaa aa ki bi dulnyaa wee ni, ki ga kan tinyoor ti aaboln u ga di tii nimi na. Nimi bijab, ni bipiib, ni nimi aawakor mɔmɔk ubaa aan gur kaan li kpa mbim.