Ikaal 30:7 - Uwumbɔr aagbaŋ

⁷ U ga cha ntafadaan ngbaan fenn lir nimi aadim bi nan nimi ki muk nimi na pu.

Ikaal 30:7 ပူးပေါင်းရင်းမြစ်များ

Nnyam 23:22

Tɔ, ni yaa kii waamɔbon ki ŋa maah ban pu na kan, m ga to nimi aadim butɔb tii nimi.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Jeremia 25:29

M ga piin maabiil aatuln ngbaan mbaa aatiŋ ponn ni la. Bi dak ke maan daa bitafal la aa? Aayii, bi ga kan ntafadaan, ba pu? m ga cha butɔb dan kitiŋ kee mɔmɔk aanib pu. Min Uwumbɔr Mpɔɔnsakpiindaan le len kina.

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Esekiel 25:12

Tidindaan Uwumbɔr bui ke, “Edom aanib nan di mbiin le teen Juda aanib, le kina aapɔln aateen joo ni libɔkpol li kaa kpa ndoon na Edom aatiŋ pu.

Esekiel 25:15

Tidindaan Uwumbɔr ki bui ke, “Filistia yaab di mbiin le teen baayaajayoonn na aadim lipɔln, ki di kinanaŋ kuln bi.

Esekiel 25:3

Tuk bi ke bi li pel min Bidindaan Uwumbɔr aah len pu na ke: Nisui nan piin ke ni kan baah ŋa Maadichal fam pu na, ki kan Israel aatiŋ aah gur nkuun pu na, ki kan Juda aanib aah cha tinaagbiir ni pu na.

Esekiel 25:6

“Tidindaan Uwumbɔr aah len pu na sɔ: Ni nan faa ibambaan ki fii yuk mpopiin pu. Ni nan lik seen Israel aatiŋ.

Esekiel 25:8

Tidindaan Uwumbɔr bui ke, “Moab yaab aah len ke Juda aatimbol bi ke ŋitimbol ŋiken na,

Amos 1:11

Uwumbɔr ki len ke, “Edom yaab aah tun titunwanbir n‑yoonn mɔmɔk pu na, le ga cha m sil daa bitafal. Bi tee mban ki ban bi ŋa binaabitiib Israel yaab mbiin ki ku bi, kaa san bi kinimbaak. Baaŋuul pɔɔ kaa sɔŋni kpala.

Amos 1:13

Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.

Amos 1:3

Uwumbɔr len ke, “Damaskus yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa Gilead yaab mbiin sakpen.

Amos 1:6

Uwumbɔr ki len ke, “Filistia yaab Gasa aatiŋ aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa litimbol mɔln aanib mbiin ki di bi kooh tii Edom yaab.

Amos 1:9

Uwumbɔr ki len ke, “Taya aatiŋ aanib aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa ntimɔln aanib mbiin ki di bi kooh tii Edom yaab, kaa joo limaantɔl aajɔtiik ki bi nan puu tii tɔb na.

Obadia 1:10

“Naah ŋa pu ki sun ninaabitiib, bi ye Jakob aayaabitiib na aawan, ki ku bi na, kina le binib ga lik nimi fam ki kuln nimi.

Sekaria 12:3

Tɔ, n‑yoonn ngbaan yaa nan fuu ni kan, m ga cha Jerusalem nyuŋ ke litakpal sakpeln na. Le litimbol li pɔɔn libaa ke li yoor li na kan, li kan titotonn. Dulnyaa aatimbol mɔmɔk ga kuun nan kpaan ke ŋi tak Jerusalem.

Nkahm 24:14

Balaam nan ki bui Balak ke, “Dandana wee, m ban m gir kun ndo yaab chee la; waahr aan m gir buen na, cha m sur si, ki tuk si Israel yaab aah ga nan ŋa saanib pu, n‑yoonn mu choo na.”

Nkahm 24:9

Litimbol ngbaan kpa mpɔɔn sakpen ke uchinn aah kpa pu na la; u yaa dɔ geen kan, ubaa aan kaa ki finn u. Unii umɔk ŋa tinyoor ŋa Israel yaab pu na kan, Uwumbɔr mu ga ŋa tinyoor ŋa udaan pu; le unii umɔk puun lii bi pu na kan, Uwumbɔr mu ga puun lii udaan pu.”

Ikaal 30:8

Le ni ga ki gir kii waah len pu na, ki joo waakaal imɔk m di tuk nimi din wee na.

Ikaal 7:15

Uwumbɔr ga li kii nimi iween mɔmɔk chee, waan cha nkun aaween i aaboln nan lir Ijipt yaab pu na dan ni pu; u ga cha i dan nimi aadim ma pu.