Ikaal 30:3 - Uwumbɔr aagbaŋ

³ Nidindaan Uwumbɔr ga san nimi kinimbaak. U ga ki nyan ni nimi ŋinibol ngbaan aatim mu ni u nan cha ni yaa buen na, ki giin ni nimi, nimi aatiŋ ni, ki tii nimi liwangol.

Ikaal 30:3 ပူးပေါင်းရင်းမြစ်များ

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 48:21

Le Jakob bui Josef ke, “Aa kan aa? Naan ki yunn m ga kpo; Uwumbɔr mu le ga li bi ni chee ki giin nimi buen niyaajatiib aatiŋ ni.

1 Bibɔrb Aabɔr 16:35

Ni bui u ke, “Uwumbɔr, timi Aaŋmaŋmardaan, gaa timi lii; kuun timi nan kpaan, ki nyan ni timi ŋitimbol ni, aan ti ga li kpa idoon ki pak saayimbil li bi chain na.”

Nehemia 1:9

Le ni yaa fenn ki gir ni m chee ki ŋa maah bui nimi pu na kan, m ga giin ni nimi nin chee m lee ke ni li dooni mi na; le ni yaa po yaa yaa ki koo kitiŋ kee aadoon mɔk nin chee na kan, m ga giin ni nimi.’

Job Aagbaŋ 42:10

Tɔ, Job aah nan mee Uwumbɔr tii ujɔtiib bitaa ngbaan doo na, le Uwumbɔr ki tii u liwangol, ki tii u nfum mulee pu waah nan kpa pu na.

Ilahn 107:3

ki nyan nimi ntiyayam ni ki giin ni nimi, nimi aatiŋ ni; u nyan ni nimi liwipuul ni liwilir wɔb, ki nyan ni nimi ŋŋangan ni ŋŋangii wɔb.

Ilahn 147:2

Uwumbɔr ki bi maa Jerusalem la; u bi giini binib bi nan bi tinaagbiir ni na la.

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Aisaya 43:5

Taa san ijawaan man, m bi ni chee. Ki nya liwipuul ki ti saa liwilir li bi dandar na, m ga giin nimi aanib kun ni linampal.

Aisaya 54:7

“M nan san cha si siib; le ki ga ki di ngeehm yoor si.

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Jeremia 12:14

Uwumbɔr nan bui ke, “M kpa tibɔr tibaa m tuk binib bi ka maanib Israel yaab chee aan ki kuln kitiŋ ki m nan di tii bima Israel yaab na. M ga nyan bibiindam ngbaan baatim ni ke baah chuu ŋɔb busub pu na la, le ki gaa Juda aanib bi chee lii.

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Inandalahn 3:22

Uwumbɔr aageehm ni linimbaasaln li kaa door na beenin bi.

Inandalahn 3:32

Nibaakan, u ga joo ni timi falaa, tɔ, waageehm mu u kpa ti pu na bi ki pɔɔ.

Esekiel 11:17

“Kina pu na, di min Aadindaan Uwumbɔr aah len pu na tuk bi. M ga kuun ni bi maah cha bi yaa ki bi ntim mu ni na, ki giin Israel aatiŋ tii bi.

Esekiel 36:24

M ga nyan ni nimi litimbol, ni kitiŋ mɔmɔk ni, ki giin nimi nibaa aatiŋ pu.

Esekiel 39:28

Nima le maanib ga bee ke min le ye Bidindaan Uwumbɔr. Tiwan ni ga cha bi bee kina na le ye ke min le nan cha bi chur bi buen tinaagbiir ni, le ki ki kuun ni bi ki joo ni bi bibaa aatiŋ pu, kaa cha ubaa kina gaar puwɔb.

Maika 7:19

Aa ga ki san timi kinimbaak lelee. Aa ga taa taa timi aatunwanbir ŋmal titan ni, ki di ti buen nnyusakpem aataab.

Sekaria 10:9

M cha bi yaa ki koo ŋitimbol ni, bi mu ga li bi dandar le ki teer mbɔr. Bi ni baabim ga ŋmar, le ki kpaan gir kun ni.

Rom Yaab 11:23

Juu yaab mu yaa kpeln ki yaa gaa Yesu Kristo ki kii kan, Uwumbɔr ga ki di bi toŋ waanib pu; u ga ŋmaa ŋa kina.

Rom Yaab 11:26

N‑yoonn ngbaan le Juu yaab mɔmɔk mu ga ŋmar. Ni ŋmee Uwumbɔr Aagbaŋ ni ke, “U gaal binib lir na ga nyan ni Sionn paacham, ki nyan Jakob aayaabitiib aatunwanbir.

Rom Yaab 11:31

Uwumbɔr aah san nimi kinimbaak pu na, nima le ga cha u san Juu yaab bi kaa gaa Yesu ki kii dandana wee na kinimbaak.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

Ikaal 4:27

Uwumbɔr ga cha ni yaa buen ŋinibol yayan aatim ni, le nimi siib kina le ga ti gur ki ŋmar.