Ikaal 30:1 - Uwumbɔr aagbaŋ

¹ “Dandana wee, m tii nimi nsan ke ni nyan naah gee tiwan ni na, ni ban tinyoor le aan ni ban ntafadaan la? N‑yoonn mu tiwan nimina mɔmɔk ŋa nimi, aan ni bi ŋinibol ŋiken aatim ni, nin chee Nidindaan Uwumbɔr nan cha nimi aadim chur nimi buen na kan, ni ga teer tibɔr ti m joo tii nimi na.

Ikaal 30:1 ပူးပေါင်းရင်းမြစ်များ

Mpiin 4:14

Aa nyan mi kitiŋ kee pu a, le ki chuu paar aaŋaal m pu. Maan ki li kpa maah ga koo nin chee na. Le maah ga li ye uchayiin pu na, unii umɔk kan mi na ga ku mi.”

1 Bibɔrb 8:34

saah bi paacham na, pel baameel. Di cha pinn saanib baatunwanbir, ki giin ni bi kitiŋ ki aa nan di tii bi ni biyaabitiib na pu.

2 Bibɔrb Aabɔr 30:9

Ni yaa gir ni Uwumbɔr chee kan, le binib bi chur nimi aanib buen tinaagbiir ni na ga san bi kinimbaak ki cha bi gir kun ni. Nidindaan Uwumbɔr kpa tiŋann le ki san kinimbaak. Ni yaa fenn gir u chee kan, u ga gaa nimi.”

Nehemia 1:9

Le ni yaa fenn ki gir ni m chee ki ŋa maah bui nimi pu na kan, m ga giin ni nimi nin chee m lee ke ni li dooni mi na; le ni yaa po yaa yaa ki koo kitiŋ kee aadoon mɔk nin chee na kan, m ga giin ni nimi.’

Aisaya 46:8

Nimi titunwanbirdam, teer man tibɔr timina; dakl lik maah ŋa pu na man.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 8:3

Le titunwanbir aatimbol limina aanib bi ŋmar, ki koo maah cha bi yaa ki bi nin chee na, ga li neen nkun ki jer ke bi li fu. Min Uwumbɔr le len kina.”

Esekiel 18:28

U bee waah tun pu na, le ki di cha titunwanbir aatum, kina pu le waan kpo, u ga li kpa limɔfal.

Esekiel 6:9

nin chee bi ga li bi tinaagbiir ni na. Nima le bi ga ti teer mbɔr ki bee ke min le daa bitafal ki jinn bi inimɔɔn, bisui i kaa ŋani maah len pu na, ki yii mi ki labr dii ŋiwaa na pu. Baah tun titunwanbir ki ŋani tiwan ni bii binib aayimbil na pu, le biponn ni ga li sukr bibaa pu.

Sekaria 10:9

M cha bi yaa ki koo ŋitimbol ni, bi mu ga li bi dandar le ki teer mbɔr. Bi ni baabim ga ŋmar, le ki kpaan gir kun ni.

Tibɔnyaan ti Luk ŋmee ti na 15:17

Le u ŋa nlan le ki bui ke, ‘Nte aatutum mɔmɔk ji ki gur. Le nkon ban mu ku mi do chee na.

Ikaal 28:28

Uwumbɔr ga cha ni taa ki li kpa nlan, ki cha ni jɔb, le nimi aalandak ŋmal.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Ikaal 29:27

Nima pu le Uwumbɔr aaŋuul fii bi pu, le ki cha ntafadaan mumɔk bi waagbaŋ ni na dan bi pu.

Ikaal 29:28

Uwumbɔr aaŋuul nan fii bi pu sakpen, le liŋuusakpeln ngbaan ponn ni, u chuu nyan bi baatiŋ ni, ki di bi buen biwɔwɔm aatim ni, le bi bi nima chee din wee.’

Ikaal 30:15

“Din aataak kee, m tii nimi nsan ke ni nyan naah gee tiwan ni na, ni ban ni ŋan na le aan ni ban ni kaa ŋan na la, ni ban limɔfal le aan ni ban nkun la?

Ikaal 30:19

Dandana wee, m tii nimi nsan ke ni nyan limɔfal, bee nkun, ni Uwumbɔr aanyoor, bee waamɔpuur, le m yin kitaapaak ni kitiŋ, ke ni li ye nimi aaseeraadam aan ni nyan naah gee ni na. Nyan limɔfal man.

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.