Ikaal 3:9 - Uwumbɔr aagbaŋ

⁹ Tɔ, Saidonn yaab yin Hemonn Aajool ngbaan ke Sirionn, le Amor yaab mu yin li ke Senir.

Ikaal 3:9 ပူးပေါင်းရင်းမြစ်များ

1 Bibɔrb Aabɔr 5:23

Manase yaab bi nan bi liwipuul wɔb na nan koo Basann aapepel ni, ki di ti saa ŋŋangan wɔb Baal Hemonn, ni Senir, ni Hemonn Aajool mɔk. Bi nan pɔr sakpen.

Ilahn 133:3

Ni naahn limaln li bi Hemonn Aajool paab, ki lir ni Sionn aagongon pu na la. Nima chee le Uwumbɔr puu ke u ga ŋa waanyoor ti ye limɔfal li kaa kpa ndoon na ŋa bi pu.

Ilahn 29:6

U cha Lebanonn aajoo yukr ke inaabi na la, ki cha Hemonn aajoo yukr ke unaajabo na.

Ilahn 42:6

Maah bi tinaagbiir aatiŋ ni na, nsui bii la, kina pu le m di maalandak ŋa u ni. U di mpombiin aanyunkpenn le biin nsui pu, nlanŋmal ŋmeen le choo m chee ke nwam na, ki naahn nnyun mu nya ni Hemonn, ni Misar Aajoo paab ki puu lir ni Jɔɔdann aamɔɔl ni na.

Ilahn 89:12

Sin le naan ŋŋangan ni ŋŋangii; Tabor Aajool ni Hemonn Aajool gaa mpopiin aalahn aa pu.

Solomonn Aalahn 4:8

Maabɔndinn, nyan ni Lebanonn Aajoo ni ki dan ti li cha; nyan ni Lebanonn ki dan ti li cha. Sunn ni Amana Aajool paab, nyan ni Senir, ni Hemonn aajoo paab, nin chee ichinn ni inaamuun koo na.

Esekiel 27:5

Bi nan di Hemonn Aajool pu aasupɔɔl bubaa aadɔ le ŋa si le ki di Lebanonn aasantina ŋa saakeken aadɔ.

Josua 11:17

Lipepel ngbaan le di ti ker ŋŋangii wɔb, Halak Aajool li bi gbɔk Edom aatiŋ na, ki di kina ti ker ŋŋangan wɔb, Baalgad aatiŋ ki bi Hemonn Aajool, ŋŋangii wɔb, Lebanonn aafataŋ ni na. Josua ni ŋipepel ngbaan aabɔrb nan ton tɔb butɔb ni yunn pam, le u nan nyaŋ bi, ki ku bi mɔmɔk.