Ikaal 3:5 - Uwumbɔr aagbaŋ

⁵ Ntim mue mɔmɔk nan kpa ŋigon ŋi fɔk na, le ki kpa jaaleŋ tiib bi joo laŋ ni ibisamɔi na. Itingbaan pam mu nan bi, kaa kpa ŋigon mann gob ŋi.

Ikaal 3:5 ပူးပေါင်းရင်းမြစ်များ

Nehemia 9:25

Saanib nan nyaŋ ntim mu bi maa ŋigon gob mu, ki kii mu na, ni ikpaakon i nyuun na, ni ŋidichal ŋi kpa liwangol na, ni inyunbun i binib puen gbii i na, ni nkpan aasui, ni ŋisubil aasui, ni ndaan aasubil aakpaakon. Bi nan jin baah gee pu na ki filk; bi nan jin mmɔɔn mumɔk aa nan di tii bi na.

Esta 9:19

Nimina pu le Juu yaab bi koo itingbaan ni na ji njim, ki tii tɔb ipiin, ki kpa mpopiin, Adar aaŋmal aawiin kipiik ni inaa daal.

Nkahm 13:28

Tɔ, binib bi koo nima chee na kpa mpɔɔn pam, le baatim wiir ki kpa ŋigon mann goln mu mɔmɔk. Ni jer ni mɔmɔk na, ti kan ŋiniwɔk aayaabitiib bi nima chee.

Ikaal 1:28

Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’

Ikaal 3:4

N‑yoonn ngbaan, ti nan ki nyaŋ waatim mɔmɔk. Taa nan cha kitiŋ kibaa kina gur. Ntim mu ti nan nyaŋ, Agob aapepel li Basann aabɔr Og nan joo na, nan ti saa ntim imonko itaa la.

Ikaal 3:6

Ti nan bii ntim ngbaan mɔmɔk, ki ku binib bimɔk nan bi mu ni na; ti nan ku bijab, ni bipiib, ni mbim, ke taah nan ŋa Hesbonn aabɔr Sihonn ni waanib pu na.

Hiibru Yaab 11:30

Israel yaab nan gaa Uwumbɔr ki kii, nima le baah nan chuun manni Jeriko aatiŋ aagon iwiin ilole na, ŋi nan lir.

1 Samuel 6:18

Bi nan ki tii salmaa aasayik ŋiŋmu mu, libaa mɔmɔk nan si tii ntim mu Filistia aabɔrb biŋmu na nan joo mu na la, mu bi nan maa ŋigon gob na, ni itingbaan i kaa kpa ŋigon na. Litakpasakpeln li pu bi nan di Uwumbɔr Aakaal Aadakaa toŋ, aan li bi Josua u koo Bef Semes aatiŋ ponn ni na aakpaab ni na, beenin bi nima din wee ki ye seeraa.