Ikaal 3:22 - Uwumbɔr aagbaŋ

²² Ni taa li san bi ijawaan, Nidindaan Uwumbɔr le ga jan tii nimi.’

Ikaal 3:22 ပူးပေါင်းရင်းမြစ်များ

2 Bibɔrb Aabɔr 13:12

Uwumbɔr ubaa le ye timi aasaloln, le waatotoorb bi do, ki gor ke bi pii ikpiin aan ti to nimi butɔb. Israel aanib, taa tak niyaajatiib Aadindaan Uwumbɔr. Naan ŋmaa nyaŋ u.”

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

2 Bibɔrb Aabɔr 20:29

Litimbol limɔk nan ŋun Uwumbɔr aah nyaŋ Israel yaab aadim pu na, ijawaan nan koo bi.

Nehemia 4:20

Kina pu na, ni yaa ŋun ukpiin wii kan, ni mɔmɔk kuun dan m chee. Timi Aawumbɔr le ga jan tii timi.”

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Nnyam 14:14

Uwumbɔr le ga to butɔb ngbaan tii nimi, naan li kpa nibaa ni ŋa butɔb ngbaan ni.”

Nnyam 14:25

U nan cha baatɔroku tiib aataa chɔi kitiŋ, le baa ki ŋmaa chuun mala mala. Le Ijipt yaab bui ke, “Uwumbɔr le bi to butɔb ngbaan tii Israel yaab. Cha ti gir nya do chee na man.”

Nkahm 21:34

Le Uwumbɔr bui Moses ke, “Taa li san bi ijawaan, m ga cha aa nyaŋ u ni waanib, ni waatiŋ mɔmɔk. Aa ŋa u ke saah nan ŋa Sihonn, u nan ye Amor yaab aabɔr ki bi Hesbonn aatiŋ na pu na.”

Ikaal 1:30

Nidindaan Uwumbɔr ga loln ni pu nsan, ki jan ni pu, ke waah nan ŋa pu Ijipt aatiŋ ni, ni nteersakpiin ni, aan ni kan na.

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Ikaal 20:4

Nidindaan Uwumbɔr le ga dii nimi buen butɔb ngbaan ni, le ki ti cha ni nyaŋ bi.’

Ikaal 3:21

“Le m tuk Josua ke: ‘Aa kan Nidindaan Uwumbɔr aah nan ŋa bibɔrb bilee na, Sihonn ni Og pu na, kina le u ga ŋa bibɔrb bimɔk ni ga gaa baatim na.

Ikaal 3:23

“N‑yoonn ngbaan le m nan mee Uwumbɔr linimaln mbamɔm ke,

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Josua 23:10

Ni ponn ni unibaan ga ŋmaa nyaŋ binib lichur; ba pu? Nidindaan Uwumbɔr le nyaŋni bi tii nimi, ke waah nan puu pu na.