Ikaal 3:17 - Uwumbɔr aagbaŋ

¹⁷ Liwilir wɔb mu, baanaanmɔk nan di kina ti ker Jɔɔdann Aamɔɔl mɔk la, ki yoor Galilee Aanyusakpem ŋŋangan wɔb ki ti saa N‑yaan Aanyusakpem mɔk ŋŋangii wɔb, ki di ti ker Pisga Aajool taab, liwipuul wɔb.

Ikaal 3:17 ပူးပေါင်းရင်းမြစ်များ

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 14:3

Bibɔrb biŋmu bee le nan kpokl tɔb, le baajab buen Sidim aafataŋ ni; dandana wee nnyusakpem mu bi yin mu ke N‑yaan Aanyun na le bi nima.

2 Bibɔrb 14:25

U nan ki nyaŋ ki gaa lipepel li mɔmɔk nan ye Israel aapepel na, ki nyan Hamaf Aasan mu bi ŋŋangan wɔb na mɔk ki ti saa N‑yaan Aanyusakpem mu bi ŋŋangii wɔb na. Israel yaab Aadindaan Uwumbɔr aah nan puu pu tii Amitai aajapɔɔn Jona, u nan ye Gaf Hefer aanii, ki ye waatutunn, ki ye waabɔnabr na le na.

Esekiel 47:8

U nan bui mi ke, “Nnyun mumina puu cha liwipuul wɔb, le ki ti lir Jɔɔdann Aafataŋ ni, ki nyan nima ti koo N‑yaan Aanyusakpem ni. Nima chee le mu ti gaa n‑yaan aanyun mu bi nnyusakpem ngbaan ni na, ki ye nnyunbamɔm.

Nkahm 23:14

Nima pu na, u nan di u buen Sofim aakpaab ni, Pisga Aajool paab. Nima chee mu u nan ki maa kitork aabimbin ŋilole, le ki di unaaja ni upihja toor kitork, ŋibimbin ngbaan libaabaa pu.

Tibɔnyaan ti Luk ŋmee ti na 5:1

Daalbaadaal le Yesu nan si Genesaret Aanyusakpem aagbaan, le kinipaak gob u, ki mueni u, bi ŋun Uwumbɔr aabɔr.

Ikaal 4:49

Kitiŋ ngbaan nan ki bi Jɔɔdann Aamɔɔl liwipuul wɔb aapepel ni la, le ki yoor kina ti ker N‑yaan Aanyusakpem aaŋangii wɔb, ki dii kina ti saa Pisga Aajool aataab, liwipuul wɔb.

Josua 12:3

ki kpee Jɔɔdann Aafataŋ ni, ki yoor Galilee Aanyusakpem, ŋŋangii wɔb, ki ti ker Bef Jesimof ki bi N‑yaan Aanyusakpem aawipuul wɔb na, ki di toŋ Pisga Aajool aataab na.

Josua 13:27

ki kpaan Jɔɔdann aafataŋ aatim mu bi yin mu ke Bef Haram, ni Bef Nimra, ni Sukof, ni Safonn mɔk, ni nan ye ubɔr Sihonn u nan ka Hesbonn aatiŋ na aanaan mu gur na la. Liwilir wɔb, baatiŋ aanaanmɔk le nan ye Jɔɔdann Aamɔɔl ki ti ker ŋŋangan wɔb, Galilee Aanyusakpem chee,

Josua 15:2

Kaanaanmɔk, ŋŋangii wɔb, nan yoor N‑yaan Aanyusakpem aaŋangii wɔb,

Josua 15:5

Liwipuul wɔb aanaanmɔk le nan ye N‑yaan Aanyusakpem, ki yoor kina ki dii nnyusakpem ngbaan aagbaan, ki ti saa nin chee Jɔɔdann Aamɔɔl puu koo mu ponn ni na. Kitiŋ ngbaan aah piin nin chee ŋŋangan wɔb na yoor Jɔɔdann Aamɔɔl aah doo nin chee na,

Josua 18:19

ki jer buen Bef Hogla aadunduŋ aaŋangan wɔb, le ki ti doo N‑yaan Aanyusakpem nin chee Jɔɔdann Aamɔɔl puu ti lir na. Lipepel ngbaan le nan ye ŋŋangii wɔb aanaanmɔk.

Josua 19:35

Ntim mu bi nan maa ŋigon kiir mu na le nan ye Sidim, ni Ser, ni Hamaf, ni Rakaf, ni Kineref,

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.