Ikaal 3:1 - Uwumbɔr aagbaŋ

¹ “Ni paa na, ti nan di buen ŋŋangan wɔb, Basann aapepel ni, le ubɔr Og ni waajab mɔmɔk nyan ni ke bi nan faa timi butɔb, Edrei aatiŋ chee.

Ikaal 3:1 ပူးပေါင်းရင်းမြစ်များ

1 Bibɔrb 4:19

Uri aajapɔɔn Geber le nan yeh Gilead aapepel li Amor Aabɔr Sihonn, ni Basann Aabɔr Og nan joo na. Uyidaan ubaa le nan bi, ki lik biyidam kipiik ni bilee bee, litingbaln ngbaan mɔmɔk pu.

Nehemia 9:22

Aa nan cha bi jan ki nyaŋ ŋinibol ni nnaan aabɔŋ mu bi baatiŋ aanaanmɔk na. Bi nan jan ki nyaŋ ubɔr Sihonn aatiŋ ki bi yin ki ke Hesbonn na, ni ubɔr Og aatiŋ, ki bi yin ki ke Basann na.

Ilahn 136:20

U ku Basann aatiŋ aabɔr Og; waageehm aa kpa ndoon.

Ikaal 1:4

Uwumbɔr aah nan nyaŋ Amor yaab aabɔr u bi yin u ke Sihonn, u nan bi Hesbonn aatiŋ ki joo waanib na, ni Basann aapepel aabɔr u bi nan yin u ke Og, u nan bi Astarof ni Edrei aatim ki joo waanib na, aapuwɔb le Moses nan di ikaal ngbaan tuk bi.

Ikaal 2:32

Ubɔr Sihonn ni waajab mɔmɔk nan nyan ni, le ki to timi butɔb, Jahas aatiŋ chee,

Ikaal 29:7

Le taah fuu ni do chee na, Ubɔr Sihonn u nan koo Hesbonn aatiŋ ni na, ni Basann yaab aabɔr u bi nan yin u ke Og na, nyan ni ki nan tak timi.

Ikaal 3:2

Le Uwumbɔr bui mi ke, ‘Ni taa li san u ijawaan. M ban m di u ni waajab, ni waapepel mɔmɔk, tii nimi la. Ni ŋa u ke naah ŋa Amor yaab aabɔr Sihonn u nan koo Hesbonn aatiŋ ni na pu na.’

Ikaal 31:4

Uwumbɔr ga kuln binib ngbaan ke waah nan nyaŋ Amor yaab aabɔrb Sihonn ni Og, ki kuln baatiŋ pu na.

Ikaal 4:47

Bi nan gaa waatiŋ ngbaan, ki kpee ubɔr Og u nan joo Basann aatiŋ na, u mu nan ye Amor yaab aabɔr, le ki bi Jɔɔdann aawipuul wɔb.

Josua 12:1

Israel yaab nan puen nyaŋ ki gaa kitiŋ ki bi Jɔɔdann Aamɔɔl liwipuul wɔb na, ki yoor Anonn Aafataŋ ni ki ti saa Jɔɔdann Aafataŋ, ki ti ker ŋŋangan, Hemonn Aajool wɔb. Bi nan nyaŋ bibɔrb bilee la.

Josua 12:4

Bi nan ki nyaŋ Basann aabɔr u bi nan yin u ke Og na, uma le nan ye ubɔr u gbeln kookoo, ŋiwɔk Refa yaab ni na. Uma le nan jin nnaan Astarof ni Edrei aatim ni.

Josua 13:30

Baatiŋ mɔk nan yoor ni Mahanaim aatiŋ, ki kpee ubɔr Og aanaan mɔmɔk mu nan ye Basann aatim mɔmɔk na, ni Jair aatingbaan imonko itaa i bi Basann ni na,

Josua 9:10

ni waah ŋa Amor yaab aabɔrb bilee bi nan bi Jɔɔdann aawipuul wɔb na pu na: Ubɔr Sihonn u nan ka Hesbonn aatiŋ ni na, ni Ubɔr Og u nan ye Basann yaab aabɔr ki ka Astarof aatiŋ ni na.