Ubɔr Jehosafat nan koo Jerusalem ponn ni la, le ki mu nan tee chuun ki manni binib ngbaan n‑yoonn mɔmɔk, ki nya Beerseba ni bi ŋŋangii wɔb na, ki ti saa ŋigongon aatiŋ ki bi Efraim aatiŋ pu ŋŋangan wɔb na, ke u cha binib ngbaan gir ni biyaajatiib Aadindaan Uwumbɔr chee.
Israel yaab bi nan nyaŋ kitiŋ ngbaan na dan ki nan kpee Josua ni waanib pu, bi to baadim butɔb. Ai yaab aajab ngbaan nan kan ke Israel yaab mann gob bi a, le Israel yaab nan ku bi mɔmɔk. Ubaa kina aa nan ŋmaa san ŋmar, ubaa aa nan nyan butɔb ngbaan ni,
“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.
Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.
Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.
“Nidindaan Uwumbɔr ga ŋa tinyoor ŋa nimi aatuln pu, le ni kan tijikaar gbiin nimi aapil. U ga ŋa tinyoor ŋa ni pu, waah ban u di kitiŋ ki tii nimi na ni.