Ikaal 27:14 - Uwumbɔr aagbaŋ

¹⁴ Liifai yaab le ga sil ki len tibɔr ngbaan mpɔɔn pu. Tibɔr ngbaan sɔ:

Ikaal 27:14 ပူးပေါင်းရင်းမြစ်များ

Daniel 9:11

Israel yaab mɔmɔk nan bii saakaal ki yii kaa pel saah len pu na. Ti nan tun si titunwanbir, le aa nan cha saah puun tibɔbir ti aan saatutunn Moses nan ŋmee ŋa saakaal ni na dan nan lir ti pu.

Ikaal 27:13

Le ŋinibol ŋimina mu ga sil Ebal Aajool paab aan ni len imɔpuur aabɔr tee. Ŋinibol ngbaan sɔ: Rubenn, ni Gad, ni Aser, ni Sebulunn, ni Dann, ni Naftali aanibol.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Josua 8:33

Le Israel yaab, ni baaninkpiib, ni baayidam, ni baabɔjirb, ki kpee biwɔwɔm bi nan bi bi chee na, nan sil Uwumbɔr Aakaal Aadakaa aapepel mɔmɔk ŋilee pu, ki lik bitotoorb bi nan si tu Dakaa ngbaan na. Ligeln libaa nan si, le bipuwɔb kpaa Gerisim Aajool wɔb, le ligeln liken mu aanib si, bipuwɔb kpaa Ebal Aajool wɔb. Uwumbɔr aatutunn Moses le nan bui bi ke n‑yoonn yaa nan ŋeer bi gaa Uwumbɔr aanyoor kan, bi ŋa kina.

Josua 8:34

Le Josua karn ikaal ngbaan mɔmɔk mpɔɔn pu tii bi, ki kpee tinyoor ni imɔpuur mu, ke baah ŋmee pu Nkaal aagbaŋ ni na.