Ikaal 26:9 - Uwumbɔr aagbaŋ

⁹ U joo ni timi do, ki nan di kitiŋ ki kpa tiwakor aamoŋmɔpaan ni ŋisubil sakpen na tii timi.

Ikaal 26:9 ပူးပေါင်းရင်းမြစ်များ

Ilahn 105:44

U nan di binib biken aatim tii bi, ki cha bi gaa baakpaakon,

Nnyam 3:17

M dakl ke m ga nyan bi Ijipt aatiŋ ni, nin chee bi ŋani bi falaa na, ki di bi buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ye Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab aatiŋ na pu.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Esekiel 20:15

Kina pu le m nan puu tii bi nteersakpiin ni nima chee, ke maan di bi fuu kitiŋ ki kpa tiwakor aamoŋmɔpaan ni ŋisubil sakpen na ki ŋan jer ntim mɔmɔk aan m di tii bi na ni.

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Lituln 26:22

Le Uwumbɔr mu ter mi n‑yoonn mɔmɔk ki nan saa din, ki cha m si do, ki ye waaseeraadaan, ki tuk binib aabɔŋ mɔmɔk waabɔr. M po tuk bi Uwumbɔr aabɔnabtiib ni Moses aah nan len pu na. Bi nan len tiwan ni ga nan ŋa na,

Ikaal 26:15

Saah bi nin chee paacham ni bi chain na, lik ni saanib Israel yaab ki ŋa bi tinyoor, ki ŋa tinyoor ŋa kitiŋ ki kpa tiwakor aamoŋmɔpaan ni ŋisubil sakpen na ki aa di tii timi na, ke saah nan puu tipuur tii tiyaajatiib pu na.’

Ikaal 27:3

ki ŋmee ikaal ni mmɔkm mumina mɔmɔk ŋi pu. Buyoonn ni ti koo kitiŋ ki kpa tiwakor aamoŋmɔpaan ni ŋisubil sakpen na ki Uwumbɔr, u ye niyaajatiib Aawumbɔr na, nan puu tipuur ke u ga di tii nimi na ni,

Ikaal 6:3

Nimi Israel yaab, li pel maah ban m di i mɔk nimi pu na, ki li joo i mbamɔm. Le tiwan mɔmɔk ga li ŋan tii nimi, le ni ga ŋa litimbokpaan, ki li koo kitiŋ ki kpa tiwakor aamoŋmɔpaan ni ŋisubil sakpen na ni, ke Uwumbɔr u ye tiyaajatiib Aawumbɔr na aah nan puu pu na.

Josua 23:14

“Dandana wee, ni ŋeer ke m kpo. Ni mɔmɔk nyi nisui ni, ni nimi aawiin ni, ke Nidindaan Uwumbɔr le tii nimi tiwanyaan nimɔk u puu ke u ga tii nimi na. Tipuur timɔk u puu na, u ŋa ti mɔmɔk; tibaa kina aa bee fam.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”