Ikaal 26:7 - Uwumbɔr aagbaŋ

⁷ Le ti wii yin Uwumbɔr, u ye tiyaajatiib Aawumbɔr na, ke u ter timi. U nan ŋun le ki kan timi aafalaa, ni limukl, ni kinimbaak.

Ikaal 26:7 ပူးပေါင်းရင်းမြစ်များ

Mpiin 21:17

Uwumbɔr nan ŋun ubo ngbaan aah wii pu na, le upii ngbaan nan ŋun Uwumbɔr aaneel nyan ni paacham ki baa u ke, “Hagar, ba muk si? Taa san ijawaan, Uwumbɔr ŋun saabo aah wii pu na.

Mpiin 29:32

Lea nan dek lipuul, le ki ma ubijabo. Le u bui ke, “Uwumbɔr kan maamukl. Maah ma ubijabo wee na, nchal ga li gee mi.” Nima pu na, u nan yin ubo ngbaan ke Rubenn.

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

Ilahn 119:132

Fenn ni m chee ki san mi kinimbaak ke saah san binib bi gee si na kinimbaak pu na.

Ilahn 31:8

Saa cha maadim nyaŋ mi ki chuu mi, aa tii mi nsan ke m buen maah gee nimɔk na.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Nnyam 2:23

Ŋibin pam aah jer cha na, le Ijipt aabɔr u nan dii Moses u ku u na nan kpo, le Israel yaab nan beenin bi tinaagbiir ni, le ki wii ki ban nterm. Uwumbɔr nan ŋun baah wii pu na,

Nnyam 2:25

U kan Israel yaab aah ji falaa pu na, le naa mɔr u, le utafal nan bi bi ni.

Nnyam 3:9

Mbamɔn, m ŋun maanib aah wii pu na, m kan Ijipt yaab aah ŋani bi falaa pu na.

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Nnyam 6:5

Dandana wee m ŋun bima Israel yaab aah wii baafalaa ponn ni pu na, Ijipt yaab aah di bi ŋa baanaagbiib pu na, le m teer maah puu tipuur ti na.

Jeremia 33:2

Uma u aayimbil ye Uwumbɔr, aan u naan taab, ki toor, ki di ki siin na, nan len m chee tibɔr ke,

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”