Ikaal 26:5 - Uwumbɔr aagbaŋ

⁵ Le udaan ngbaan ga sil Uwumbɔr aanimbiin ni ki len ke, ‘N‑yaaja nan ye Aram aanii u ye usachuln na la, le ki nan di waamaal buen Ijipt aatiŋ ni ki ti koo nima. Baah nan buen na, baa nan wiir, le ki ti wiir ki ŋa litimbokpaan.

Ikaal 26:5 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 24:4

See aa buen baah nan ma mi kitiŋ ki ni na, ndo yaab ni, ki ti ban upii tii njapɔɔn Aisak.”

Mpiin 25:20

Aisak nan ye ŋibin imonko ilee le ki yoor upuu Rebeka u nan ye Betuel aabisal na. Betuel nan ye Aram aatiŋ aanii, kitiŋ ki bi Mesopotamia ni na. Rebeka nan ye Labann aaninkpan la.

Mpiin 27:41

Esɔ nan nann Jakob, ba pu? ute nan ŋa tinyoor ŋa Jakob pu ki cha u. U nan dakl ke, “Nte aakpotoor aa ki daa, waakpuul yaa jer kan, le m ga ku Jakob.”

Mpiin 28:5

Kina le Aisak nan cha Jakob buen Mesopotamia aatiŋ ni, uweeja Labann do. Labann nan ye Aram aatiŋ aanii Betuel aajapɔɔn, ki mu ye Jakob ni Esɔ aana Rebeka aaninja la.

Mpiin 31:20

Jakob nan ŋmann Labann, le kaa cha u nyi ke u ga nya udo.

Mpiin 31:24

Kinyeek ngbaan le Uwumbɔr nan dan Labann chee tidaŋ ni, le ki bui u ke, “Aa li nyi ki taa ŋa Jakob nibaa.”

Mpiin 31:40

N‑yoonn pam le nwiin nan gbaa mi, le tiwoor mu ŋun mi kinyeek, maa ŋmaa geeni.

Mpiin 43:12

Ni ki li joo ŋimombil nfum mulee pu; ba pu? ni ŋan ke ni li joo ŋimombil ŋi bi nan giin ŋa nimi aabɔtɔ tiib ponn ni na. Nibaakan bi nan chinn la.

Mpiin 45:11

Aa yaa bi Gosenn aatiŋ ngbaan ni kan, m ga li lik si. Nkon aabin gur ŋiŋmu la, le maa ban ke aa ni saamaal, ni tiwakor kpo nkon.”

Mpiin 45:7

Uwumbɔr le tun lijinjiir aatuln ki cha m loln nsan dan do, ke m nan gaa nimi, ni nimi aamaal lii.

Mpiin 46:27

Josef aah nan ma mbim bilee bi Ijipt aatiŋ ni na yaa kpee kan, Jakob aamaal kpaan imonko itaa ni kipiik le nima chee.

Mpiin 47:27

Israel yaab nan bi Gosenn aapepel ni, Ijipt aatiŋ ni, le bi ma mbim pam, ki kan liwangol mu pam.

Mpiin 47:4

Ti dan ke ti nan li bi kitiŋ kee ni, ba pu? nkon ngbaan pɔɔ Kanaann aatiŋ ni sakpen a, le timoor aa ki bi tiwakor ŋmɔ. Ubɔr, tii timi nsan ti li bi Gosenn aapepel, saatiŋ kee ni.”

Nnyam 1:12

Tɔ, baah nan nan Israel yaab ki moo ŋani bi falaa sakpen pu na, Uwumbɔr nan cha bi moo pɔr kpee kina la, le ki yaa gbiin Ijipt aatiŋ ponn ni, le Ijipt yaab nan gur san Israel yaab ijawaan,

Nnyam 1:5

Bi mɔmɔk nan kpaan ki ti saa binib imonko itaa ni kipiik, le ki nyan ni Jakob aamaal ni. Ujapɔɔn Josef ma nan puun bi Ijipt aatiŋ ni.

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Hosea 12:12

Tiyaaja Jakob nan san le ki buen Mesopotamia; nima chee, le u nan ti tun lituln tii uja uken ki kpaa waapiih, ke u tii u usapɔɔn.

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.

Lituln 7:15

Le bi mɔmɔk buen u chee Ijipt aatiŋ ni, ki nan bi nima kina ki ti kpo.

Ikaal 1:10

Nidindaan Uwumbɔr cha ni pɔr ki wiir ke iŋmabi i bi paacham na.

Ikaal 10:22

N‑yoonn mu niyaajatiib nan buen Ijipt aatiŋ ni na, bi nan ye binib imonko itaa ni kipiik baanja la, le dandana wee, Nidindaan Uwumbɔr cha ni wiir sakpen ke iŋmabi i bi kitaapaak na.

Ikaal 26:4

“Utotoor ngbaan ga yoor tijikaar aabɔɔkuuk ngbaan, ki di siin Nidindaan Uwumbɔr aanimbiin ni, kitork aabimbiln taab.

Ikaal 7:7

“Naa ye ke ni wiir le jer binib biken, nima le cha Uwumbɔr gee nimi ki nyan nimi ŋinibol mɔmɔk ni; nimi le par, kaa wiir dulnyaa wee ni.