Ikaal 26:2 - Uwumbɔr aagbaŋ

² ni mɔmɔk ubaabaa ban tijikaar ti ni chee njan na, ki gbiin tibɔɔkur, ki di buen naah dooni Uwumbɔr nin chee na.

Ikaal 26:2 ပူးပေါင်းရင်းမြစ်များ

2 Bibɔrb 4:42

N‑yoonn muken, le uja ubaa nan nyan ni Baal Salisa aatiŋ ni, ki joo ni waajikaapɔnn aaboroboro kpin moninko, ni njikaabipɔm nan tii Elaisa. Le Elaisa bui waatutunn ke u di kina aajikaar kpiin Uwumbɔr aabɔnabtiib ngbaan,

2 Bibɔrb Aabɔr 31:5

Ubɔr aah tii limɔboln ngbaan na, libuul ngbaan ni, le binib ngbaan di baajan aajikaabim, ni ndaan, ni olif aakpan, ni tisiir, ni tisar aajikaar tiken na, ni baah kpa tiwan ni mɔmɔk, ki yakr ni kipiik kipiik ki nyan nibaabaa tii Uwumbɔr na buen.

2 Bibɔrb Aabɔr 6:6

Le dandana ma kan, m lee Jerusalem aatiŋ ni le ke bi li dooni mi nima, le ki lee sin, David, ke aa li joo maanib.’”

Nehemia 12:44

N‑yoonn ngbaan le bi nan ban bijab kaan kiir tidir ti bi joo tijikaar, ni tiwan niken siini na, ni baah di Uwumbɔr Aadichal aajikaar ti bi too too na di ŋa ti ponn ni na; bi nan di ukpaal mɔmɔk aah tii waajikaar aapiin i na, ni libiln mɔk aajikaabim mu puen biir na, ni ŋisubil ŋi mu puen puir na mu di kpee ti pu. Bijab ngbaan le nan ye bi ga li gaal ikpaakon i bi duun ntim mɔmɔk na, bitotoorb ni Liifai yaab aajikaar ti bi too tii bi, Nkaal aah mɔk pu na nan tii bi. Binib mɔmɔk nan kpa mpopiin bitotoorb ni Liifai yaab ngbaan pu;

Nehemia 13:31

ki nan ban isan i ga cha idɔ i bi joo pu kitork aanann na aah ga fuu ni n‑yoonn mu na, ni binib mu aah ga li joo ni baajan aajikaabim aapiin ni njan aasubil ŋi puen puir na pu na. Uwumbɔr, teer mbɔr, ki ŋa tinyoor ŋa m pu.

Nnyam 20:24

Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.

Nnyam 22:29

“Ni li tii mi ipiin i nyan ni nimi aajikaabim, ni ŋisubil aadaan, ni olif aakpan, ni mɔmɔk aayoonn. “Ni di nimi aajan aabijabim mɔmɔk tii mi.

Nnyam 23:16

“Ni yaa ti chee tijikaapɔnn kan, ni ŋa Tijikaapɔnn aajim. “Ni yaa ti ker nimi aadaan aasubil, ni ŋisubil ŋiken, nimi aasar ni kan, ni ŋa Tikakar Aajim n‑yoonn ngbaan.

Nnyam 23:19

“Ni li joo ni njan aajikaar ti pue biir nimi aasar ni na ki di dan min Nidindaan Uwumbɔr Aadichal ni, ki nan di tii mi. “Ni taa di upiih, bee uŋoob aabiin ŋaa waabo.

Nnyam 34:26

“Ni li joo ni njan aajikaar ti pue biir nimi aasar ni na, ki di dan min Uwumbɔr Aadichal ni ki nan tii mi. “Ni taa di upiih, bee uŋoob aabiin ŋaa waabo.”

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Esekiel 20:40

Nimi Israel aanib mɔmɔk ga li dooni mi kitiŋ ngbaan pu, maajool li bi chain ki ye Israel aajool li paa na pu nima. M ga li gee nimi, le ni ga joo ni mi nimi aatork, ni nimi aapiinkpaan i bi chain na.

Esekiel 44:30

Bitotoorb le yeh njan aajikaar nyaan ti bi puen chee na, ni tiwan ni mɔmɔk bi di toor kitork tii mi na. N‑yoonn mu mɔmɔk Israel aanib puen ŋa boroboro na, bi di njan aaboroboro kpiln tii bitotoorb, aan ni li ye ipiin ki tii mi. Nima kan, maanyoor ga li bi baadichal pu.

Esekiel 48:14

Lipepel li ye Uwumbɔr aapaan na li ŋan jer kitiŋ ngbaan aapepel mɔmɔk, le baan ŋmaa gii mu pu nibaa chee kooh, bee bi di kpeln, bee bi ki di tii ubaa. Mu bi chain la, le ki ye Uwumbɔr aapaan.

Liifai Yaab 2:12

Libiln mɔk ni, ni yaa chee njan aajikaabim kan, ni ban ti ki nan tii Uwumbɔr ipiin, ni taa see tima mmii ni.

Liifai Yaab 2:14

Ni yaa ban ni tii Uwumbɔr naah chee njan aajikaabim mu na kan, ni pu mu, bee ni nan mu, aan mu ŋa n‑yon.

Rom Yaab 11:16

Tɔ, bi yaa di njan aaboroboro tii Uwumbɔr kan, ni mɔk ke boroboro umɔk gur na mu ye uyoo la. Bi yaa di busub aanyaan tii Uwumbɔr kan, ni mɔk ke ibon mu ye uyaan la.

Rom Yaab 16:5

Ni doon Yesu aanib bi kuuni bido na. Ni doon njɔ Epanetus, u m gee u na, ki tii mi. Uma le puen gaa Kristo ki kii, Asia aatiŋ ni.

Rom Yaab 8:23

Naa ye tiwannaankaan baanja le wu; timi bi Uwumbɔr puen tii timi Waafuur Nyaan na, ti mu du tisui ni, ki kii bundaln Uwumbɔr ga mɔk ke ti sil ye waabim, ki ga tii timi tiwon ti kaan kpo na.

1 Korenti 15:20

Tɔ, ni ye mbamɔn la, Uwumbɔr sil fikr Kristo nkun ni. Uma le ye njan aanii u puen fikr nkun ni na, le ki mɔk ke binib bimɔk kpo na mu ga nan fikr nkun ni.

1 Korenti 15:23

Kina le bi ga li paa tɔb pu. Kristo le ye njan aanii u puen fikr nkun ni na. U yaa gir ni kan, binib bi ye uyaab na mu ga fikr nkun ni.

1 Korenti 16:2

Likpaakool daal mɔmɔk, ni mɔmɔk aah kan tinyoor pu na, ni di ngem bil, ki li kii buyoonn m ga labr ni na. Nima kan, m yaa nan fuu ni kan, naan ki piin ki li too ŋimombil.

Ikaal 16:10

Ni ŋa kina ki nyuŋ Nidindaan Uwumbɔr, ni li joo ni nimi aageehn aapiin, ni ŋeer waah ŋa tinyoor ki tii nimi pu na aapiin.

Ikaal 18:4

Ni di nimi aajan aajikaar tii bi, nima le ye njikaabim, ni ŋisubil aadaan, ni olif aakpan, ni ipiih aakor.

Ikaal 26:1

“Buyoonn Nidindaan Uwumbɔr ti di kitiŋ ngbaan tii nimi aan ni gaa ki mɔmɔk ki kal nima na kan,

Ikaal 26:3

Ni buen utotoor u bi lituln ni liyaadaal ngbaan na chee, ki ti bui u ke, ‘Dandana wee m bee ke Nidindaan Uwumbɔr le joo ni mi kitiŋ ki u nan puu tipuur tii tiyaajatiib ke u ga di tii timi na ni.’

Jemisi 1:18

U tii timi waabɔr ti ye mbamɔn na, ki ŋa timi waabim. Waageehn le na. U ban ke ti jer waah naan tiwan ni mɔmɔk na.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Tibɔkpiirkaan 14:4

Bima le ye binib bi kaa doon bipiib chee kaa ŋa bibaa tijɔŋ. Baa nyi bipiib. Bima le dii Upihbo ngbaan waah cha nin chee na mɔmɔk. Uwumbɔr nyan bi binib ponn ni ki daa bi, bi li ye u ni Upihbo ngbaan aanib.