Ikaal 26:19 - Uwumbɔr aagbaŋ

¹⁹ Waah naan ŋinibol mɔmɔk ŋi dulnyaa wee ni na, nimi le u nyan ke u ga ŋa nimi linibol li kpa mpɔɔn sakpen ki jer ŋi mɔmɔk na, le ni ga pak ki nyuŋ waayimbil. Ni ga li ye uma ubaa aanib ke waah nan puu pu na.”

Ikaal 26:19 ပူးပေါင်းရင်းမြစ်များ

Ilahn 148:14

U nan gee waatimbol Israel yaab pam ki tii bi mpɔɔn, nima pu le bi pak u. Pak Uwumbɔr man.

Nnyam 19:5

Dandana wee, ni yaa ga kii maaliin aan ki joo maah puu tipuur ti na kan, ni ga li ye maanib. Min le yeh dulnyaa wee mɔmɔk, nimi le ga li ye bininyaam

Nnyam 19:6

ki tii min baanja, le ki ga li ye bitotoorb ki tun maatuln.”

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Jeremia 13:11

M ba ban ke Israel ni Juda aanib mɔmɔk li bub joo mi kin kin ke lichutageln aah ŋeer kichaŋ sab pu na la. M nan ŋa kina ke bi li ye maanib ki joo ni kipak ni inyuŋ nan tii mi la; le bi yii kaa kii maamɔb.”

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Sefania 3:19

N‑yoonn choo, le m ga daa binib bi muk nimi na aatafal; m ga gaa binib bi mɔmɔk ye biwɔb na lii, ki giin ni binib bi bi tinaagbiir ni kitiyayaŋ ni na linampal. M ga cha baanimɔɔn kpaln nnyuŋ, le dulnyaa mɔmɔk ga li pak bi.

Sefania 3:20

N‑yoonn ngbaan choo, le m ga giin ni nimi aanib bi yaa na linampal; m ga cha ni li kpa liyimbil dulnyaa wee mɔmɔk ni, ki cha ni ki gir kan liwangol.” Uwumbɔr le len kina.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Ikaal 27:1

Moses ni Israel yaab aayidam nan bui binib ngbaan ke, “Ni li ŋani maah tuk nimi din wee pu na mɔmɔk.

Ikaal 28:1

“Ni yaa kii Nidindaan Uwumbɔr aamɔb, ki joo waakaal i m joo tuk nimi din wee na mbamɔm kan, u ga ŋa nimi litimbokpaan ki jer ŋimɔk bi dulnyaa wee ni na.

Ikaal 28:13

Nidindaan Uwumbɔr ga cha ni li ye ŋinibol ŋiken aasaloln, le ŋima aan ŋmaa loln ni pu nsan. Ni yaa joo ikaal imɔk m joo tuk nimi din wee na kan, naan lann nibaa, ni ga li kani tinyoor n‑yoonn mɔmɔk.

Ikaal 28:9

“Ni yaa kii Nidindaan Uwumbɔr aamɔb ki ŋa waah len pu na mɔmɔk kan, u ga di nimi ŋa waanib, ke waah nan puu tipuur pu na.

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.