Ikaal 26:10 - Uwumbɔr aagbaŋ

¹⁰ Nima pu le m joo ni njan aajikaar ti m chee na ke m nan tii uma Uwumbɔr.’ “Aa yaa len kina doo kan, aa di kibɔɔkuuk ngbaan siin Uwumbɔr aanimbiin ni, ki doon u.

Ikaal 26:10 ပူးပေါင်းရင်းမြစ်များ

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Ilahn 22:29

Bigaadam mɔmɔk ga gbaan unimbiin ni; binibɔm mɔmɔk ga gbaan unimbiin ni.

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Ilahn 95:6

Dan man, aan ti nan gbaan ki doon u; Cha ti gbaan man Uwumbɔr u naan timi na aanimbiin ni.

Nnyam 22:29

“Ni li tii mi ipiin i nyan ni nimi aajikaabim, ni ŋisubil aadaan, ni olif aakpan, ni mɔmɔk aayoonn. “Ni di nimi aajan aabijabim mɔmɔk tii mi.

Nnyam 23:19

“Ni li joo ni njan aajikaar ti pue biir nimi aasar ni na ki di dan min Nidindaan Uwumbɔr Aadichal ni, ki nan di tii mi. “Ni taa di upiih, bee uŋoob aabiin ŋaa waabo.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Ŋiyataŋak 3:9

Di saajikaar ti ŋan na tii Uwumbɔr ipiin ki li pak u.

Aisaya 66:23

Uŋmapɔɔn aajim, ni Likpaakool daal aakuun mɔmɔk ponn ni, ŋitimbol mɔmɔk aanib ga dan Jerusalem do le nan doon mi.” Uwumbɔr le len kina.

Rom Yaab 2:1

Tɔ, si u galni binib biken na, saan ŋmaa len tibaa ki nyan aabaa tibɔr ni Uwumbɔr chee; ba pu? aa mu ŋani kina la. Saah galni bi na, le ni mɔk ke saabɔr mu bii; ba pu? si u galni bi na, aa mu ŋani ke baah ŋani pu na la.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

Ikaal 18:4

Ni di nimi aajan aajikaar tii bi, nima le ye njikaabim, ni ŋisubil aadaan, ni olif aakpan, ni ipiih aakor.

Ikaal 26:17

Ni len din aataak kee, ke Nidindaan le ye nimi Aawumbɔr, ki puu tipuur ke ni ga kii tii u, ki ŋa waah len pu na, ki joo waakaal mɔmɔk mbamɔm.

Ikaal 26:2

ni mɔmɔk ubaabaa ban tijikaar ti ni chee njan na, ki gbiin tibɔɔkur, ki di buen naah dooni Uwumbɔr nin chee na.

Ikaal 26:4

“Utotoor ngbaan ga yoor tijikaar aabɔɔkuuk ngbaan, ki di siin Nidindaan Uwumbɔr aanimbiin ni, kitork aabimbiln taab.

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Tibɔkpiirkaan 22:9

Le u bui mi ke, “Taa ŋa kina. Pak Uwumbɔr baanja. M mu ye saatutuŋeer ubaa la, ni Uwumbɔr aabɔnabtiib bi ye aanaabitiib na aatutuŋeer la, ni binib bi kii kigbaŋ kee aabɔr na aatutuŋeer la.”