Ikaal 25:9 - Uwumbɔr aagbaŋ

⁹ ukpopii ngbaan ga chuu nyan uja ngbaan aanaatakl libaa aan ki tii timɔɔtan ŋa unimbil wɔb, biyidam ngbaan aanimbil ni, ki bui ke, ‘Bi ŋani uja u yii ke waan yoor una aabo aakpopii ki maa mbim tii u na kina la.’

Ikaal 25:9 ပူးပေါင်းရင်းမြစ်များ

Job Aagbaŋ 30:10

Bi lik seeni mi la; bi dak ke bi ŋan sakpen ki jer mi, le ki kpaan choo nan tei timɔɔtan ŋani m pu.

Aisaya 20:2

Ŋibin ŋitaa waahr aan nimina nin ŋa na, Uwumbɔr nan bui Amos aajapɔɔn Aisaya ke u takr waanaatak ki peer tiwanpeenkaan ni saak kuub na. U nan kii Uwumbɔr aamɔb ki nan gur chuun uŋmeen kaa tak ŋinaatak.

Aisaya 50:6

M di mpuwɔb tii binib bi gbaa mi na. Maa nan bui binib bi seei mi ki dar gui maalangbaln aakor ki teei timɔɔtan lɔi mi na ke bi di cha.

Nkahm 12:14

Le Uwumbɔr giin bui u ke, “Miriam aate yaa ba tii timɔɔtan ŋa unimbil wɔb kan, u ba ga ji kina aanimɔɔn iwiin ilole la. Nima pu na, ni nyan u linampal likpaakool libaa, nee aapuwɔb na, ni ki giin ni u linampal.”

Matiu 26:67

Le bi teei timɔɔtan ŋa unimbil wɔb, le ki gbaa u. Bibaa mu gbaa u ntapam,

Matiu 27:30

le ki teei timɔɔtan lɔe u, le ki gaa lidabil ngbaan ki di faa uyil paab.

Tibɔnyaan ti Mak ŋmee ti na 1:7

U nan mooni kinipaak ngbaan ke, “Unii u jer mi na paan ni m pu la. Maa ŋeer ke m gbiln waanaatak aaŋmin ki tii u.

Tibɔnyaan ti Mak ŋmee ti na 10:34

Le bi ga yook mi, ki teei timɔɔtan ŋa m pu, ki lue mi ŋinaalab, le ki nin ku mi. Iwiin itaa daal le m ga fikr nkun ni.”

Jɔnn 1:27

U ye unii u paan ni mpuwɔb na. Maa ŋeer ke m chuu gbiln waanaatak aaŋmin tii u.”

Ikaal 25:10

Le nimi Israel yaab ga li gur yin uja ngbaan aamaal ke, ‘Mmaal mu bi chuu nyan mu aaja aanaatakl na.’

Ikaal 25:8

Le kitiŋ ngbaan ni aayidam yin ni uchawaa na, ki nan baa u ke ti gbii aan taa gbii. Uchawaa ngbaan yaa bui ke waan kpan u kan,

Ruf Aagbaŋ 4:6

Uja ngbaan nan gar ke, “Ni yaa ye kina kan, m di maasan mu m kpa ke m daa bukpaab ngbaan na tii si; ba pu? ni mɔk ke mi mbaa aabim aan nan ŋmaa ji bu aafaal. Maan ki daa bu, aa ga ŋmaa daa bu.”

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.