Ikaal 24:14 - Uwumbɔr aagbaŋ

¹⁴ “Aa yaa yoor unii u ye ugiin kaa kpa na, saatuln ni kan, u yaa ye aaŋeen aatɔ Israel aanii, bee uwɔwɔnja le ki bi saatiŋ ni kan, aa taa ji u pem pem.

Ikaal 24:14 ပူးပေါင်းရင်းမြစ်များ

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Ŋiyataŋak 14:31

Aa yaa muk bigiim kan, aa seei Uwumbɔr u naan bi na la; aa yaa ŋa ugiin tiŋann kan, aa nyuŋni Uwumbɔr la.

Ŋiyataŋak 22:16

Aa yaa tii biwankpadam ipiin, bee aa yaa muk bigiim ke aa kpaln uwankpadaan kan, aa ga kpaln ugiin le aabaa.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Tibɔnyaan ti Luk ŋmee ti na 10:7

Lidichal libaa aanib yaa gaa nimi kan, ni li bi nima ki ti saa buyoonn ni ga nan nya na, ki taa jir lidichal. Ni li ji ki li nyu baah ga tii nimi ni na; ututunn mɔmɔk ŋeer waapar.

Amos 2:7

Bi jon ki taar binib bi kaa kpa mpɔɔn na pu, le ki tur bigiim lir isan ni. Le uja ni ute kpaani unaagbiipiibo baan, kina le bi bii maayimbil li bi chain na.

Amos 8:4

Li pel nimina man, nimi bi muk bifalaadam, ki ban ke ni ku doo bigiim kitiŋ kee ni na.

Esekiel 22:7

Ubaa aa bi kitiŋ ngbaan pu ki pak ute ni una. Bi ji biwɔwɔm, ni bikpopiib, ni nkpobim pem pem ke baa kpa uteter.

1 Timoti 5:18

Ba pu? Uwumbɔr Aagbaŋ len ke, “Aa yaa joo unaaja poi idi kan, aa taa buu umɔb,” ki ki len ke, “Ututunn aapar ŋeer u la.”

Liifai Yaab 19:13

“Ni taa ji unii ubaa pem pem, bee ni gaa waawan. Unii yaa tun saatuln kan, pɔɔn aabaa ki pa u, ki taa cha ni woln kitaak.

Ikaal 15:7

“Israel aanii ubaa yaa ye ugiin, ki bi ntim mu Nidindaan Uwumbɔr ban u di tii nimi na kibaa ponn ni kan, ni taa kpa kukumɔŋ ki yii ke naan ter u.