Ikaal 24:13 - Uwumbɔr aagbaŋ

¹³ Kijook mɔmɔk kan, aa giin tiwan ngbaan tii u, nima kan, u ga ŋmaa kan tiwan biin ubaa pu kinyeek. U ga li kpa mpopiin, le Nidindaan Uwumbɔr mu aasui ga piir aa pu.

Ikaal 24:13 ပူးပေါင်းရင်းမြစ်များ

Mpiin 15:6

Abram nan gaa Uwumbɔr aamɔboln ki kii, kina pu na, Uwumbɔr aasui nan piir Abram pu, le Uwumbɔr gaa u ke u ye uninyaan u chee.

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Nnyam 22:25

“Ni yaa pinn ŋimombil tii maanib ngbaan ponn ni u ye ugiin na kan, ni taa li bi ke binib bi pinni ŋimombil ki ban tinyoor na.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Esekiel 18:12

U ji bigiim pem pem, ki su kinaayuk; unii yaa pinn u chee ŋimombil ki di waawan nibaa siin lipɔln ngbaan pu kan, waa joo giini. U chaa tiwaachur ni, ki dooni ŋiwaa ŋi sukr ponn ni na,

Esekiel 18:16

kaa muk ubaa, kaa su ubaa aawan. U giini unii u pinn u chee ŋimombil ki di waawan siin ŋi pu na tii uwandaan. U kpiini nkon aah joo bi na, ki tii binib bi chuun biŋmeen na tiwanpeenkaan.

Esekiel 18:7

Waan ji ubaa pem pem, ki mu aan su ubaa kinaayuk. Unii yaa nan pinn u chee tiwan ki di waawan nibaa siin lipɔln ngbaan pu kan, u giini tiwan ngbaan tii uwandaan la; u kpiini binib bi kaa kpa tijikaar na, le ki tii binib bi chuun biŋmeen na tiwanpeenkaan.

Esekiel 33:15

nibaakan, u yaa giin waah nan gaa tiwan ni unii u pinn u chee ŋimombil na, bee u yaa giin tiwan ni u sun na, ki yaa di cha titunwanbir, ki dii ikaal i tii limɔfal na kan, waan kpo, u ga ŋmar.

Daniel 4:27

Kina pu na, mpɔɔndaan, li dii maasurm. Di cha titunwanbir aatuln, ŋa tiwan ni ŋan na, ki san bigiim kinimbaak. Le saawangol ga moo kpee.”

Amos 2:8

Bijab doo kitork aabimbin mɔmɔk ponn ni, tiwanpeenkaan ni bi gaa bigiim chee ki joo teeni baah jin ŋipɔln ŋi pu na la. Maadichal ni, bi nyu ndaan mu bi gaa baapɔlndam chee na la.

Efesusi 4:26

Ni yaa gee liŋuul kan, ni taa cha nimi aaŋuul ngbaan tun titunwanbir. Ni taa li beenin joo liŋuul ngbaan nwiin ti lir,

Ikaal 24:12

U yaa ye ugiin kan, aa taa cha tiwan ngbaan doon aa chee ki woln kitaak.

Ikaal 24:15

Nwiin yaa cha mu ti lir idaa mɔmɔk kan, aa ti pa udaan liyaadaal ngbaan aatuln aapar, ba pu? waa kpa u ji, le ki ban limombil. Aa yaa kaa pan u kan, u ga wii ŋa Uwumbɔr saah ŋa u pu na, le Uwumbɔr ga chuu si taani.

Ikaal 6:25

ke ti yaa joo waakaal mɔmɔk mbamɔm, waah tuk timi pu na kan, usui ga li piin ti pu.’

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.