Ikaal 23:5 - Uwumbɔr aagbaŋ

⁵ Le Nidindaan Uwumbɔr aa nan kii tii Balaam. Nidindaan Uwumbɔr aah gee nimi na, u nan cha waah len pu na kpaln tinyoor le ki tii nimi.

Ikaal 23:5 ပူးပေါင်းရင်းမြစ်များ

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

Nehemia 13:2

Naah nan ye pu na le ye ke Amonn ni Moab yaab nan yii kaa tii Israel yaab tijikaar ni nnyun n‑yoonn mu bi nan nyan ni Ijipt ni ki choo kuni na. Bi nan tee labr pan ŋimombil tii ubɔɔ Balaam ke u puun lii Israel yaab pu, le timi Aawumbɔr cha tipuur ngbaan kpaln tinyoor ki tii Israel yaab.

Ilahn 73:1

Uwumbɔr sil kpa Israel yaab pu tiŋann, u kpa binib bi aasui ponn ni ŋan na pu tiŋann.

Ŋiyataŋak 26:2

Aa yaa kaa tun taani kan, imɔpuur aan ŋmaa chuu si. Ti naahn inyoon i laani kaan kal busub paab na la.

Jeremia 31:3

m nan nya dandar ki dan bi chee. Israel aanib, m gee nimi n‑yoonn mɔmɔk, le ki ga li mɔk nimi maageehm mu bi n‑yoonn mɔmɔk na.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Malakai 1:2

Uwumbɔr bui waanib ke, “M gee nimi n‑yoonn mɔmɔk.” Le bi gar u ke, “Kinye aan aa mɔk timi saah gee timi pu na?” Le Uwumbɔr gar bi ke, “Esɔ ni Jakob nan ye naabitiib la, le m nan tee lee Jakob ni uyaabitiib,

Nkahm 22:35

Le ntuun ngbaan bui u ke, “Li dii bijab ngbaan cha. Aa mu ti len maah ban ke aa len pu na baanja.” Kina pu na, Balaam nan dii bi buen.

Nkahm 22:5

Nima pu na, Ubɔr Balak nan tun bi ti yin Beor aajapɔɔn u bi nan yin u ke Balaam, u nan bi Petor aatiŋ, ki bi gbɔk Yufrates Aamɔɔl li bi Amau aatiŋ aapepel ni na. Tibɔr ti nan nyan ni Balak chee aan bi ti bui u na sɔ: “M ban aa li nyi ke litimbomɔln libaa nyan ni Ijipt aatiŋ ni, binib ngbaan bi kitiŋ kee mɔmɔk pu, ki ban ke bi gaa timi aatiŋ mɔmɔk.

Nkahm 24:9

Litimbol ngbaan kpa mpɔɔn sakpen ke uchinn aah kpa pu na la; u yaa dɔ geen kan, ubaa aan kaa ki finn u. Unii umɔk ŋa tinyoor ŋa Israel yaab pu na kan, Uwumbɔr mu ga ŋa tinyoor ŋa udaan pu; le unii umɔk puun lii bi pu na kan, Uwumbɔr mu ga puun lii udaan pu.”

Rom Yaab 11:28

Tɔ, baah yii Yesu aabɔnyaan tee na, bi ye Uwumbɔr aadim la. Nima le ni kan tinyoor ki ŋmar. Uwumbɔr mu nan lee bi; waah lee bi na, biyaajatiib pu le u gee bi.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Rom Yaab 9:13

Ni ŋmee Uwumbɔr Aagbaŋ ponn ni ke u len ke u gee Jakob ki jer Esɔ.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Ikaal 2:29

aan ki ti puur Jɔɔdann Aamɔɔl, ki koo Tidindaan Uwumbɔr aah ban u di kitiŋ ki tii timi na ni. Esɔ aayaabitiib bi koo Edom aatiŋ ni na, ni Moab yaab bi koo Ar aatiŋ ni na, kii tii timi, le ti dii baapepel ni ki jer.’

Ikaal 33:3

Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

Ikaal 4:37

Waah gee niyaajatiib pu na, le u lee nimi, ki di waapɔɔn sakpiin na nyan ni nimi Ijipt aatiŋ ni.

Josua 24:10

le maa kii tii Balaam, le u tee ŋa tinyoor ŋa ni pu. M nan ŋa kina le ki gaa nimi Balak aaŋaal ni lii.