Ikaal 22:8 - Uwumbɔr aagbaŋ

⁸ “Aa yaa maa lidichapɔln kan, maa ligoln mann lipaacham. Nima kan, unii yaa nyan lipaab ki lir, ki kpo kan, saan li kpa taani ubaa.

Ikaal 22:8 ပူးပေါင်းရင်းမြစ်များ

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

Nnyam 22:6

“Unii ubaa yaa tuur mmii waasaak ni aan mu gaa timoor ki ti koo uken aasaak ni ki gaa waajikaar kan, umiiseer ngbaan teen tijikaar ti bii na pu.

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Esekiel 3:18

M yaa len ke utunwanbirdaan ga kpo, le saa sak u ke u kpeln waabimbin aan ki ŋmar kan, u ga kpo, ki beenin ye utunwanbirdaan, le m ga chuu si taani waakun pu.

Esekiel 3:20

“Unibamɔnn ubaa yaa piin ki bi tun titunwanbir aan m di u siin mbimbin mu bir na ni, aan saa sak u kan, u ga kpo. Waatunwanbir pu le u ga kpo, maan teer waatunyaan na bɔr, le m ga chuu si taani waakun pu.

Matiu 10:27

Maah tuk nimi tibɔr ti libɔɔl ni na, ni li mooni ti binib ni. Maah loon tibɔr ti nitafal ni na, ni li mooni ti lipaal.

Tibɔnyaan ti Mak ŋmee ti na 2:4

Kinipaak ngbaan pu, baa nan ŋmaa koo ni Yesu chee. Le bi jon kidiik paab, ki chee liboln ki tuur waah si nin chee kidiik ponn ni na, le ki di baah luln ni unii u likekeln ni na ŋa liboln ngbaan ponn ni, ki di u bil Yesu aanimbiin ni.

Lituln 10:9

Naah woln kitaak na, le bi bi nsan ni, ki peen Jɔpa aatiŋ ni. Nwiin kaasisik ni, le Piita jon kidiik paab u ti mee Uwumbɔr.

Rom Yaab 14:13

Nima pu na, ti taa ki galni tɔb. Ni li nyi ki taa leŋ nina aabo Uwumbɔr aasan ni.

1 Korenti 10:32

Ni taa ŋa tiwan ni ga kiir Juu yaab Uwumbɔr aasan ni na, ki taa kiir binib bi kaa ye Juu yaab na mu, ki taa kiir Uwumbɔr aanib mu.

Ikaal 22:7

Ni ga ŋmaa nyan mbim, bee ŋijen, ki cha ina li cha, nima kan, ni ga kan tinyoor ki li kpa limɔfal li fɔk na.

Ikaal 22:9

“Aa yaa kon ŋisubil aasui kan, taa ki di tiwan nibaa bun ŋmal i ponn ni. Aa yaa ŋa kina kan, saasaak ngbaan mɔmɔk ga bii la.

Filipi 1:10

aan ki lee nsan mu ŋan na, aan ki li bi chain, ki taa li kpa taani ubaa bundaln Kristo ga gir ni na.

1 Tesalonika 5:22

Ni yii man isan i kaa ŋan na mɔmɔk aabɔŋ.

1 Samuel 9:25

Baah fii nima ki buen kitiŋ ponn ni na, le bi tii Sɔɔl ndɔdooyaan kidiik paab, le u doon nima.