Ikaal 21:5 - Uwumbɔr aagbaŋ

⁵ Liifai aanib bi ye bitotoorb na mu li bi nima chee, ba pu? bima le ga ŋmaa len kina aakun aabɔr. Nidindaan Uwumbɔr le nyan bi ke bi li tun waatuln, aan ki li joo waayimbil ŋani tinyoor ŋani binib pu.

Ikaal 21:5 ပူးပေါင်းရင်းမြစ်များ

1 Bibɔrb Aabɔr 23:13

Ujapɔpol Amram le nan ma Aaronn ni Moses. Uwumbɔr le nan nyan Aaronn ni uyaabitiib ke bi li joo Uwumbɔr Aadichal ni aawan ni bi chain na, ki ti saa n‑yoonn mu kaa kpa ndoon na. Bima le nan ki joo tulalee aayon ŋani mmii ni, ki dooni Uwumbɔr, ki tun waatuln na. Bima le mee Uwumbɔr aanyoor ŋani binib pu waayimbil ni.

2 Bibɔrb Aabɔr 19:10

N‑yoonn mumɔk niŋeen aatɔtiib bi nyan ni kitiŋ mɔk ni ki joo ni linikul aabɔr, bee bi yaa bii nkaal, bee bi yaa koor likoobil na kan, ni mɔk bi baah ga joo bibaa pu libɔjil ngbaan ni na, aan bi taa koo Uwumbɔr aataani ni. Ni yaa kaa ŋa kina kan, nimi ni nido yaab ngbaan ga kan Uwumbɔr aaŋuul aah pɔɔ pu na. Le ni yaa tun nimi aatuln mbamɔm kan, naan lir tibɔr tibaa ni.

Esekiel 42:13

Uja ngbaan nan bui mi ke, “Ŋidichal ŋilee ŋee mɔmɔk ye chain la. Ŋima ponn ni le bitotoorb bi chaa Uwumbɔr aanimbiin ni na ji chain chain aatork aajikaar. Tidir ngbaan aah bi chain na, nima chee le bitotoorb ga di chain chain aapiin, i ye njikaabim aatork, ni titunwanbir aatork, bee lipɔln aateem aatork na siin.

Esekiel 44:24

Tibɔr yaa ŋa kan, bitotoorb le ga di maakaal aah mɔk pu na toor ti. Bi li joo maasan aadiim aajim aasan, ni yaah mɔk pu na, ki li joo Likpaakool daal aawiin chain.

Liifai Yaab 9:22

N‑yoonn mu Aaronn toor kitork mɔmɔk doo na, le u yoor uŋaal paacham ki toŋ binib ngbaan wɔb, ki mee Uwumbɔr, u ŋa tinyoor ŋa bi pu, le ki nin sunn ni.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Ikaal 10:8

Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.

Ikaal 18:5

Uwumbɔr le nyan nimi aanibol ponn ni Liifai yaab, ke bi li ye waatotoorb ki cha n‑yoonn mu kaa kpa ndoon na.

Ikaal 19:17

ni di bimɔk bilee buen nin chee ni kpaani ki dooni Uwumbɔr na, aan bi ti ji baabɔr; bitotoorb ni bibɔjirb bi bi lituln ni liyaadaal ngbaan na le ga ji baabɔr.

Ikaal 21:4

Bi di u buen nin chee nkpen mu puu n‑yoonn mɔmɔk kaa foor, aan baa kee kon nima chee na, ki ti nyii koo usil nima.