Ikaal 20:18 - Uwumbɔr aagbaŋ

¹⁸ Ni ku bi mɔmɔk, nima kan, baan ŋmaa ŋmann nimi, ni ŋa tiwan ni kaa ŋan na, ke baah dooni baawaa pu na. Ni yaa ŋa kina kan, ni ga li ye titunwanbir Uwumbɔr aanimbiin ni.

Ikaal 20:18 ပူးပေါင်းရင်းမြစ်များ

2 Bibɔrb 21:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ke Israel yaab aabɔr Ahab aah nan ŋani pu na, ki dooni iŋmabi mu.

Nnyam 23:32

Ni taa kpaan bi chee ki ŋa kimɔbaan, ki taa kpaan bi chee ki dii baawaa mu.

Nnyam 23:33

Ni taa cha binib ngbaan li bi nimi aatiŋ ngbaan ni; ni yaa ŋa kina kan, bi ga cha ni tun titunwanbir m chee. Ni yaa kpaan bi chee ki dooni baawaa kan, nima le ga kpaln nkun aagaawɔb le ki kuln nimi.”

Nnyam 34:12

Ni taa kpaan binib ngbaan chee ki ŋa kimɔbaan; ba pu? ni yaa ŋa kina kan, ni ga cha ni yenn.

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

1 Korenti 15:33

Ni taa cha unii ubaa ŋmann nimi man. “Ni yaa dii binib bi kaa ŋan na kan, nimi aabimbinyaan ga bii.”

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

Efesusi 5:11

Ni taa kpaan binib bi bi mbɔmbɔɔn ni ki tun yɔl yɔl na chee man. Ni tee li sur bi man.

Ikaal 18:19

Ubɔnabr ngbaan ga di maah ban pu na tuk nimi, le umɔk yii na kan, m ga daa utafal.

Ikaal 18:9

“Ni yaa ti fuu kitiŋ ki Nidindaan Uwumbɔr ban u di ki tii nimi na ni kan, ni taa dii ŋitimbol ŋi ka nima na aasanbir i bi dii na.

Ikaal 20:17

Ni kuln binib ngbaan pel pel. Bima le ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab, ke Uwumbɔr aah nan bui ke ni ŋa pu na.

Ikaal 20:19

“N‑yoonn mu ni bi pɔɔni nibaa ke ni to butɔb ki gaa baatiŋ na, ni taa gaa ŋisubil aasui lii. Hali butɔb ngbaan yaa ga yunn kan, ni taa ŋa kina. Ni li ker ŋisubil ki moo, ni taa bii isui ngbaan, ba pu? isui ngbaan aa ye nimi aadim.

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.

2 Tesalonika 3:14

Unii ubaa yaa kaa dii taah tuk nimi kigbaŋ kee ponn ni pu na kan, ni daan udaan ngbaan, ki taa kpaan u chee. Nima le ga cha inimɔɔn chuu u.

1 Timoti 6:5

Le binib bi dak ilandakbir na kpak tɔb kinikpakpak. Baa ki nyi mbamɔn. Bi dak ke Uwumbɔr aasan ye liwankpal aasan la. [Nya binib ngbaan chee.]

Josua 23:13

ni li nyi ke Nidindaan Uwumbɔr aan jenn nyan ŋinibol ngbaan, naah tur koo bi ponn ni pu na. Bi ga tee li ye ntafadaan le ni pu, ki li ye gaawɔb, ni libuul tii nimi. Le baah ga ŋa nimi falaa u na ga li wu nipuwɔb ke mbambaan na la, ki ga ki li wu ke ikokon le aah saar ninimbil ni na. Le ni ga li bi kina hali ki ti saa buyoonn ni ponn ni ubaa aan ti ki gur kitinyaan kimina ponn ni, kitiŋ ki Nidindaan Uwumbɔr di tii nimi na.

Bibɔjirb 2:3

Nima le m bui nimi ke naah tur koo binib bi ponn ni na, maan jenn nyan bi baatiŋ ni. Bi ga li ye nimi aadim la, le baawaa ga li ye gaawɔb tiib le ni chee.”