Ikaal 20:16 - Uwumbɔr aagbaŋ

¹⁶ “Nidindaan Uwumbɔr aah joo kitiŋ ki u di tii nimi na, ni yaa nyaŋ ki gaa baatim kan, ni ku unii mɔmɔk.

Ikaal 20:16 ပူးပေါင်းရင်းမြစ်များ

Nkahm 21:35

Nima pu na, Israel yaab nan ku ubɔr Og, ni ujapɔtiib, ni waanib mɔmɔk, unii ubaa kina aa nan gur ki ŋmar; le bi gaa waatiŋ mɔmɔk ki kal nima.

Nkahm 31:17

Nima pu na, ni ku mbijabim mɔmɔk, ni bipiib bi mɔmɔk nyi uja na,

Nkahm 33:52

ni pɔɔn nibaa ki jenn nyan binib bimɔk bi kitiŋ ngbaan ni na. Ni bii baah di ŋitakpal ni tikur ŋa baawaa ŋi na, ni ŋiwaa ngbaan aah si nin chee na mɔmɔk.

Ikaal 20:15

Uwumbɔr ban ke ni ŋa binib bi bi dandar ki daa nimi aatiŋ na kina la.

Ikaal 20:17

Ni kuln binib ngbaan pel pel. Bima le ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab, ke Uwumbɔr aah nan bui ke ni ŋa pu na.

Ikaal 24:4

uchakpok na aan ki ŋmaa yoor u, ba pu? u nan ki mɔn tichar a. U yaa ki yoor upii ngbaan kan, ni ye tibɔbir Uwumbɔr chee la. Nidindaan Uwumbɔr aah ban u di kitiŋ ki tii nimi na, ni taa ŋa titunwanbir kina aaboln nima chee.

Ikaal 31:5

Uwumbɔr le ga cha ni nyaŋ bi; ni ŋa bi tiwan nimɔk m bui nimi ke ni ŋa bi na.

Ikaal 4:21

Nimi pu le Nidindaan Uwumbɔr aaŋuul nan fii m pu, le u puu ke waan cha m puur Jɔɔdann Aamɔɔl ki koo kitinyanyaan ki u ban u di tii nimi na ni.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Josua 10:20

Le Josua ni Israel yaab nan ku bi pam, bibaa mu nan san ti bɔr baah maa ŋigon kiir ntim mu na ni, le baa pii bi ki ku bi.

Josua 10:28

Liyaadaal ngbaan le Josua nan ton butɔb ki nyaŋ Makeda yaab aatiŋ, ni kaabɔr. U nan ku binib bi mɔmɔk nan bi kitiŋ ngbaan ni na kookoo, le ubaa aa nan gur ki ŋmar. U nan ŋa Makeda aabɔr ke waah nan ŋa Jeriko aabɔr pu na la.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 11:14

Israel yaab nan yoor tiwanyaan mɔmɔk, ni tiwakor, ntim ngbaan mɔmɔk ni, ki joo bibaa, le ki ku binib ma doo, unii aa nan gur ki ŋmar.

Josua 6:24

Bi nan see kitiŋ ngbaan, le mmii nan gaa tiwan nimɔk nan bi ki ponn ni na, see tiwan ni bi nan di salmaa, ni tikunabr, ni tikumann, ni tikur ŋa ni na, le bi nan yoor buen ti ŋa Uwumbɔr Aabool ni.

Josua 8:25

Josua nan cha waakpaatuŋ beenin mɔk paacham ki tok Ai aatiŋ, kaa di ki jɔn taab le bi ku unii umɔk nan gur na ki doo. Liyaadaal ngbaan bi nan ku Ai aatiŋ aanib mɔmɔk doo a. Bijab ni bipiib nan pii ŋichur kipiik ni ŋilee.

Josua 8:8

Uwumbɔr aah bui ke ni ŋa pu na, ni yaa nyaŋ kitiŋ ngbaan kan, ni see ki mmii. Naah ga ŋa pu na le na.”

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.

Josua 9:27

U mu nan di bi ŋa binaagbiib la, bi nan peei idɔ, le ki lu nnyun tii Israel yaab, ki lu ŋani Uwumbɔr Aadichal mu ni. N‑yoonn ngbaan kina ki nan saa din, bi laa beenin tun lituln ngbaan, nin chee Uwumbɔr nyan ke bi li dooni u na.

Josua 9:7

Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”