Ikaal 20:1 - Uwumbɔr aagbaŋ

¹ “Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Ikaal 20:1 ပူးပေါင်းရင်းမြစ်များ

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

2 Bibɔrb Aabɔr 14:10

Asa nan nyan ke bi ti kan tɔb, le bi mɔmɔk lul kiir butɔb, Sefata Aafataŋ ki bi duun Maresa aatiŋ na ni.

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

2 Bibɔrb Aabɔr 20:15

Jahasiel nan bui ke, “Ubɔr Jehosafat, ni Juda ni Jerusalem aanib mɔmɔk, Uwumbɔr bui ke ni taa cha nitaakpab yɔl, ki taa san butɔb aajapaak kee ijawaan. Butɔb ngbaan ye Uwumbɔr aatɔb la, naa ye nimi yaan.

Ilahn 118:6

Uwumbɔr bi m chee, kina pu na, maan san ijawaan; ubaa aan ŋmaa ŋa mi nibaa.

Ilahn 20:7

Bibaa tii baatɔb aataan aatɔroku le naadii, le biken mu tii baataan naadii, le tima tii Tidindaan Uwumbɔr aapɔɔn naadii.

Ilahn 23:4

Uwumbɔr, m yaa chuun kifataŋ ki bɔɔn ke nkun na kan, maan san ijawaan, ba pu? aa bi m chee. Saapihkpaajaangbeek ni lichakukul le kii mi.

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:8

Dan nan lik man Uwumbɔr aah ŋa tiwan ni na. Lik man waah ŋa lijinjiir aawan ni kitiŋ pu na.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 16:14

Uwumbɔr nan ki bui ke, “N‑yoonn choo le binib aan nan ki puu tipuur m pu, ke Uwumbɔr u bi, ki nan nyan ni Israel yaab Ijipt aatiŋ ponn ni na.

Sekaria 10:5

Juda aanib ga kan linyaŋ ke bijab bi taa taa baadim ŋmal titan ni kitiŋ ponn ni na la. Uwumbɔr aah bi bi chee na, le bi ga jan, hali ki nyaŋ bidim aatandam.

Nkahm 10:9

N‑yoonn mu ni bi nimi aatiŋ ni, ki buen butɔb ni, ki ban ni gaa nibaa lii nimi aadim bi lir ni pu na kan, ni pii kakaan tiib ngbaan baah ban bi piin butɔb pu na, le min Nidindaan Uwumbɔr ga ter nimi, ki nyan nimi, nimi aadim aaŋaal ni.

Nkahm 23:21

Maah kan pu na, Israel yaab aan kan tibɔbir, bee limukl libaa. Bidindaan Uwumbɔr bi bi chee; bi mooni ke u ye baabɔr la.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 1:29

“M nan bui nimi ke, ‘Ni taa li san binib ngbaan ijawaan.

Ikaal 2:7

“Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Ikaal 20:2

Waahr aan ni nin buen butɔb ngbaan na, utotoor ga nyan sil ki len bijab ngbaan chee ke,

Ikaal 20:3

‘Israel yaab aajab, li pel man. Ni cha butɔb din wee la. Ni taa li san nimi aadim ijawaan ki cha nitaakpab yɔl, aan nipobil yuk.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Ikaal 7:18

Ni taa li san ŋi ijawaan. Ni teer Nidindaan Uwumbɔr aah nan ŋa Ijipt yaab aabɔr, ni waanib mɔmɔk pu na.

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Josua 11:9

Josua nan ŋa bi Uwumbɔr aah bui u ke u ŋa bi pu na, u nan wɔi baataan, le ki see baatɔroku mam mmii.

Bibɔjirb 6:12

Uwumbɔr aatuun ngbaan nan di lil u pu nima ki bui u ke, “Ujakaandaan, mpɔɔndaan, Uwumbɔr bi aa chee.”

Bibɔjirb 6:16

Uwumbɔr nan gar u ke, “Maah ga ter si pu na le ga cha aa ŋmaa ŋa kina. Aa ga kuln Midiann yaab ngbaan ke baah ye unibaan le na. Naan li pɔɔ kpala.”

1 Samuel 17:32

Le David nan bui Sɔɔl ke, “Mpɔɔndaan, ubaa taa san Filistia aanii wee ijawaan. M ga buen ti tak u.”